6:45am 就起身..
7:30am 攪掂晒...check out 埋..
早D 走...驚塞車...搭的士去機場..公價USD 10 美金..
嘩~~又塞車~~
但去到機場都只係 8:00AM...可想而知..其實個機場係好近..如果唔塞車..仲快....但點解第一日..我地由機場去酒店要個幾鐘!??
去到機場CHECK IN...我諗我同ZOE咁大個女而來..第一次係按機場既指示...早兩個鐘頭前CHECK IN....=.="
入左禁區..食早餐...
最後一碗生牛河了~~~請問點解間間都咁好食既!??
食飽飽周圍HEA 下..
好了..再見越南!~~~~ 這個地方..真係太抵玩喇..我推介呀!!各位...快襯越南未完全發展得晒...快D去下..遲D 發展好..分分鐘貴過泰國...下次我要去埋北部!
GOOD BYE VIETNAM!!!!
10:00am 出發去搵Vietnam Airline office reconfirm 機位..其實原先打電話去都得. 但酒店個人話行去好近. 加上個電話打唔通.不如自己行去啦.....點知比人老點..又話好近..嘩~~熱到我地死...根本搵極都搵唔到..仲搵到蕩失路..問左幾次路. 有d人又指我地行左.有d人又指我地行右. 最終入左間中式酒樓問路. 有人識講普通話...但呢條友...都係老點我地之一.叫我地行番轉頭!!..唉~~算啦..唔搵.去行街.
11:30am搭motobike 去安東市場. 但由於我地兩個都未食野..所以好求其地入左間餐廳. d人唔識英文...打開menu手指指order 幾樣野..幾樣野都冇.....呢間咩黎..乜都冇..我地兩個發脾四閃人...頂! 又熱又燥.想搵間舖頭食下野又咩都冇. 條友又唔識英文. 問佢咩都唔識.超燥底呀突然!!
點知一出間餐廳..右手面就見到PHO 24..嘩~~殺入去即整碗生牛河!!!太好味喇實在!!!!!!!!!!!!!!!!!!!!!!!!!!!!
跟住就出發行我地既安東市場..這個市場主要第一層賣銀器, 第2層係衫.第3層係手信,當然我地主力係第3層...
行到2:00PM 就回番我地住條街PHAM NGU LAO (越南文: 豹mov 攬), 點知突然落好大雨!!停左係間舖頭出面..咦~~..食下野先.
<--值得一讚的是..我地試左好幾間既西餐食薯條. 每間的水準...都真係很不錯.
番酒店放好我地既戰利品...點知hea 下hea下...我地兩條友都訓著左.
haha~~一訓就訓到6:00pm!
今日天氣好涼..可以慢慢行.唔洗搭車都得.
我地又行去ben thanh 了! ben thanh 真係好多野行..好似花園街咁...不過個look似廟街..ha
8:00pm 幾就又行番去我地條街...入面既第5街..呢條街好旺!好多酒吧. 好多野食. 好多遊客.
我地就入左一間靚靚既舖頭飲野.
我要試"saigon 333 beer" 佢地333. 越南文讀成"爸爸爸".HKD 7.0 only.
一路飲一路同阿so 傾番今次既行程有咩特別...真回味~...haha~
10:00pm 幾回酒店..好啦..今晚要執行李了~~聽朝一早走..
11:xxpm 至訓...
今天沒有plan 節目給自己, 所以可以睡耐一點...
雖然今日係越南既國慶日..但當地冇乜特別節目..只係好多舖頭都關左...
問過當地人, 國慶有冇煙花睇? 佢地話佢地一年只有一次睇煙花就係新年. 其他日子都冇. 因為政府好窮. 有錢都用黎起高速公路啦..(明晒)..
10:00am才起身, 看書上的介紹又去找好野食...hehe~
11:00am 去了一間叫做Quan An ngon 食早午餐..這間舖很多人. 要等位的, 但我們很lucky 一去到就有.
叫了很多野食. 有生牛河, 有炸春卷, 串燒...BBQ pork.
<-生牛河個湯底好濃好香!真係想連湯都飲埋!
好飽...好好味~~
hahahah~~~
跟住就去越南的出名之地, 聖母大教堂, 這間教堂是按照著法國巴黎聖母院至建. 所以除了顏色之外. 基本上是一樣. 但size 好像細了好多...
跟住再過教堂的隔離,便是法國式的郵局, 這間郵局好多年歷史了. 入去可以拍照的, 郵局兩旁還有兩間買Souvenirs 的店舖..(當然一樣..沒冷氣是他們的特色)
寫下行程先...
好了....看看地圖, 是時候要去戰爭博物館了. 我們步行過去. 這間博物館前身叫做"美軍罪惡博物館", 但因近年越南和美國做回友好之邦所以改名名為戰爭博物館...
這間博物館給我感受最深..每個人入去之後都會抱住一種好沉重的心情走出這間博物館.館內每張相都有英文, 日文, 中文的翻譯.
我們入場後見到很多戰機, 是當年美軍用來攻打北越所用, 大家有所不知. 美國不是攻打全個越南. 他們聲明是幫南越攻打北越. 講真...人地國家內戰關你美國佬鬼事咩...而亦因美國佬既多事...令到這場杖是美國和越南打枚以來最長的戰事, 足足10年!!
所以北越和南越是有分別的. 南越是沒有仇恨美國人. 因當年打杖, 美國軍人於南越放下了一大筆錢.好似有好幾十億, 而北越的人則非常仇恨美國人.
再入場館看了當年美國軍人的隨團攝影師所拍的片段, 知道他們如何處理越南的奴隸, 小朋友, 婦孺. 簡直是用"沒人性"來形容!? 打杖點解要殺平民??
這幾張圖片對我的印像最深, 亦令我想流下眼淚....
↑記得這張相片嗎!? 這張相片很有名.得過很多獎, 最諷刺的是獲美國新聞界最高榮譽、普立茲獎的照片的人, 美國人給她這獎!? 這些不是美國人給他的傷害嗎!?
1972年.這名九歲女童-金菊, 因為家園被美軍空襲, 衣服都著了火燒光了, 她和其他小朋友一起痛哭狂奔! 這個小女孩. 幸運地現在還活著. 當年她皮膚有65% 比燒傷, 但只有30%可以移植.到現在還見到疤痕, 而且現已是成為人母的媽媽, 她還與自己的小孩拍了一張照片. 用她當年被火燒傷了的左手抱著自己的孩子....好感人...
,
看看這個越南人苦苦哀求的樣子..見者心傷..
<- 旁邊既講述是這樣的...紅色衫的這個婆婆帶著第後一班孫子,中途遇上美軍. 美軍的攝影師說了一句: hold on. 拍了這張相. 跟著他就檸轉身, 聽到數下鎗聲. 攝影師眼尾望望..眾人已經倒地..
<- 這些不是裝飾物. 而是各式各樣的炸彈及手榴彈. 還有幾個櫃都是放這些的.
去到睇小朋友那一PART...更心傷..仲有兩個變左形既嬰兒係度..(入左膠箱用D特別藥水浸住) 就係當年美軍用一種叫AGENT ORANGE (橙劑)既化學物質黎毒害佢地...禍害下一代...
再睇埋佢地有個叫TIGER CAGE 既地方..係當年用黎困住D 奴隸同埋愛國者.....唉~~
完左呢個記念館...個心好UP~懷住一種...沉重既心情離開..
個天開始落雨..我地搭TAXI 去FANNY ICE-CREAM 坐下..今次叫左Twin 雪糕...58000D...即係HKD 24蚊..兩杯喎!!!!正!
我地多次BEN THANH Market.今次唔係食飯..係去行下..佢個market好大..有d似泰國既chuk do chuk. 但當然冇係大得咁誇. 但多野行既情況係一樣......買多d 戰利品...買埋咖啡~~~越南咖啡係世界排第2出名..第一當然係巴西啦..佢同espresso 既味道拍得住..所以唔係常飲咖啡既人..未必頂得住. 落奶係要落練奶ga~~
<--你地d 咖啡我就係呢度買. 即磨成粉ga~
5:30 pm 回酒店..放低d野之後...7:xx 就搭motobike 去西貢河...
<-西貢河的...海鮮船
行完就出發去PHO 24 食飯. PHO 係乜呢!? PHO 越南文係解"湯河粉"咁解~而呢間舖頭係越南當地最多連所店既食店. 佢地既生牛河係越南最出名GA~~果然~~好味到....YUMMY YUMMY!!!!仲好味過今朝食那碗..正呀!!
<--右上角那碗是牛丸.
看看身後那班Motobike 車手..嘩~~好似要準備比賽咁..多到...嚇死人..
食飽飽之後...同ZOE慢行回家...由District 1 既尾行到去district 1 既頭..係!!我地兩個又玩慳$.hahah~
遊Mui Ne
嘩~今早要4:00am 起身. 因為join左個local tour. 但只有我同阿so 兩個人. 我地兩個搭Jeep 出發.
睇住個日出....一路一路咁上...好正...加上未有太陽.天氣好涼...
天開始光...我地去左白沙漠...White Sanddune, 咁大個女第一次黎沙漠咋...好High 呀~好興奮!!
一人黎一張~
下一站再到Red Clayton
再下一站 red sanddune
真係好曬...唔係講笑..地下勁反光!!
這個小妹妹...係問人玩唔玩滑沙既. 佢d 英文..好得!佢話係因為同遊客講得多喎~佢得10歲咋.
再去fish market~其實都只係真係到一到...都唔知有咩睇..睇人點捕魚囉~呢度有幾強勁既魚腥味!
好!!!再出發下一站....Fairy Stream
由於我地jar jeep仔車個男仔唔識英文.所以好多時佢都只係去到一個地方放低我地就算....而呢3個小男孩係無差差黎帶路...
上去上得好辛苦...冇晒氣....但的確係幾靚既..
落番黎..個幾個細路問我地攞錢. 仲講價...最終冇比到..
5個鍾頭完成左Mui Ne 既short trip~ 我個身上又多左件背心印...點解勁用防曬都曬黑..我開始發覺..白淨同我真係無緣.haha~
返到Central..好想快d搵間好d既酒店..因為尋晚訓得唔係咁好. 仲要成晚比野咬. 唔係比蚊針喎~~係比d唔知乜野既咬至攪野..可能係蚤仔..唔知.總之好唔舒服~平野冇好....=.=" ~所以一定要轉酒店..
點知左搵右搵....都冇...最終去左找飲野先...又在一間靚靚酒店 - Bamboo Village 內做豪客..食左杯雪糕飲左杯野. 每人加埋用左124,000D, 十幾萬又點!? 都係50蚊港紙~~
大家睇下我地既單車look~(後面就係我地住既hostel喇)
一路飲野一路諗...其實Mui Ne個trip都完左...可以早d離開這個地方...於是.就決定立即買車票入胡志明市.
開始落雨了~~~~搵tour 巴士. 坐地起價. 原來因為今日係越南人國慶前夕. 所以好多都會出入胡志明市....公價係USD 7, 佢地開價USD8, 雖然唔係過份.但都唔抵呀嘛..最終Zoe 爭取番usd 7. 仲可以即日開車!yeah~
10:00幾番酒店執野.12:00就去番第一日到Mui Ne 介紹我地住酒店個哥哥仔間餐廳度食lunch~ 又叫到成抬都係野食.ha~ 都係94000~~只係HKD 30幾蚊...嘩~~真係..好好洗呀D錢~~~
臨走同Steve 同埋個男仔say bye. 我地是時候要等車了.
又話1:30pm黎酒店接我地..我地等到2:00pm至黎熱鬼死...
上到車..嘩~~~7天來越南以來...第一次聽到廣東話!!!!我地撞到香港人呀~~係兩夫婦黎既. 個女人黎呢面做野, 跟住佢先生就過黎join佢順便度假. 個女人好熟呢度d地方. 仲介紹我地去到胡志明要食d乜去邊度.haha!真係好!
嘩~~~又搭車搭左好耐~~~~~入胡志明市...又塞車...成8:00鐘至入到去HCMC!!!救命..真係坐到PAT 到開花~
到步後. 同對香港人say bye就立即去搵酒店...最終搵番原先第一日住既ME THEM B&B, 嘩~~~今次仲比左間大房我地.正~HA, 好多日冇涼過冷氣喇......嘩~~~~~爽晒``~~
看看本GUIDE BOOK~~搵野食!頭先個香港女人介紹Ben Thang Market(越南文讀: 賓騰market).
試下當地既大排檔...見好多人都食...應該唔死得人既!?試下無妨啦...叫左好幾個送. 當然唔小得生牛肉河啦..越南的美食真係好香口...好好味啊....哈哈哈~
呢度既地道野食, 要香口. 而香港的要夠鑊氣! 兩者有不同之處啊!
食飽飽後行行這個如等女人街的Ben Thang Market.
跟住再左行右行..居然比我地唔小心地行左去一座好光既大樓..好多人影相..相信一點係景點...即刻打開本書望望...咦~~原來係...去左中央委員會總部
於是便搭Taxi 去我地想試好耐既Fanny Ice-cream 了! lonely planet 及guidebook都有寫這間店不可錯過的!
我們一坐下便叫了4款不用的ice-cream~~
知道幾多錢嗎!?? 只是 243,000D, HKD 97.20, $100都唔洗!!!!香港唔洗指以!!!叫4杯唔過$100!??NO WAY!
但值得一提既係-呢間既雪糕真係好好好好好味!!! 朱古力味好濃!
食飽飽就回Hotel了. 但由於我地一早沖幾次涼既關係.冇晒bathing gel...要漏夜搵沖涼液. 亦因這樣行了去第5街的夜店~ 終於發現有24小時便利店!!
地點: Phan Thiet(藩切市) - Mui Ne
6:30就要起身. 又要搭車了. 今次要去Mui Ne
7:00就上車. 初頭係大叻涼涼地都唔覺d乜...d外國人上晒車..開始落山時就發現.....嘩~~~架車....又焗熱狗呀救命...
中途仲要死左火3次...落車整..我地hea.....唉~~熱到我真係想暈...
不過死火之餘望望出面既景...又好難令人發惡既...靚到咁...
1:45終於都到....MUI NE~先搵酒店...熱到..我同zoe 根本就唔想郁...汗不停地流...揹住背囊左走右走....係一間餐廳坐低左.
跟住有個男仔過來話介紹我地有特平US 8 一晚. 咁抵!? 於是就CALL MOTOBIKE過去...
等Motobike途中. 認識了一個英國的後生仔-Steve. 佢係一面旅遊一面工作的自由人. 真係羨慕死. 傾左幾句.
我地過到去那間酒店. 佢話US 8唔得. 個男仔就幫我地講價...最終US 8 一晚., 抵!!!
這個Mui Ne 地方, 其實只是沿著海邊一條很長的大直路,有點像澳洲Gold Coast 的Suffer Paradise.
THEN....lunch
我覺得這個地方.....布吉+ Koh Sumui既混合版...總之多個國家混合於一身的~ 只要再被開發多一點. 這里應該會比泰國更旺的旅遊點!
一樣有水上活動ga~ d 救生員仲幾型仔tim~..呵呵呵...
US 8 一晚的hostel...
好好享受...好好的慢行BEACH~~~行番酒店...5:45 沖番個涼..再小睡一會...流太多汗...好累...好彩房間有冷氣.
8:XX 幾...開始又租單車周圍踩....
踩到去一間好靚既酒店飲野...最靚既酒店都只係 HKD 600幾蚊一晚....POOL SIDE + BEACH SIDE,
呢度真係...平到咁..點解!??各位襯佢地未開發晒. 快D黎旅行...遲D可能會貴~
踩返Hostel...又訓..第2朝又要好早起身了.
<--
