湖南遊 - Day 5 - Part 1(5.4.2010)

今天全日既行程就係"張家界"

8:15到酒店餐廳食早餐後9:00出發.

由於飯車仲未準備好, 於是我就先落酒店餐廳食早餐.

左睇右睇...全餐廳得Kelvin一個, 其他人...仲未落黎?咁我唔客氣.. 食先!

嘩~但d野食係咁ga囉......=.="豐富到呢....

見到後根本上完全冇胃口食囉. 仲有一D饅頭可以填肚既. 但饅頭個底係濕架!. 算. 我放棄...

望望出面. 原來我班團友一早已經落晒黎..亦已經好醒目仔地係外面買左野返黎食. 有人食粥又人食杯麵.利害. 唔怪得個餐廳晨早唔見晒人啦. 但我...見到呢D所謂自助早餐後都冇太大胃口囉....

9:00出發張家界lu! 導遊同我地講, 今天山上會比較凍. 最後著多d衫預寒. 於是大家都準備左預寒衣物.

男女導遊帶路出發, o係入閘口過指毛機, 就於張家界內乘搭專巴到天子山索道站.

到站後...快手地合照一張~

大家上到索道上開始行一大段路.

先去賀龍公園. 係度影相唔多..

其實走左好遠. 而且仲越行越熱...邊條友話今天會凍???仲等我地個個都著左兩三件衫.

過左賀龍公園, 後面就有好幾條小路, 通去其他景點. 冬天感覺特別淒美..哈!

行左差不多都有20分鐘, 到達左我地既景點"袁家界" (如果我冇記錯既話)

影相真係影唔到個一種震撼! 係咪神仙做出黎ga? 點解可以全部都係一條條長條型既山既呢?

(其實呢個部置係多人到不得之了! 好難至偷到一個位黎影相)

影完晒相. 再行入d. 經過左一條大路. 係左手面有好多小店賣手信. 其實仲有一d餐廳既. 行到越來越熱喇. 終於到左天子閣!

導遊小姐話天子閣係可以睇到晒成個景區既風景. 但...點解呢個天子閣唔好好裝修下入面. 由一樓上到頂層..中間係全真空! 即係可以話係冇野!

上到黎..的確真係可以睇晒個景區又真係事實囉. 睇下呢個叫"仙女散花" (我最記得呢個咋. 其他唔太記得)

搵唔搵到? 搵唔到. 再比張近d.....幻想一下...又真係幾似.一個女仔拎住個花籃.ha~

行完呢度就要搭番專車. 去食午餐既地方.

去左一個村落咁樣既地方. 有人係度耕種. 又有屋有人住. 但..係係張家界範圍內.其實入得黎張家界食飯.都預左一定貴. 但估唔到貴成咁....

400一隻雞!!! 好野! 簡直係打劫! 當然我地冇叫啦. 導遊帶我地入張家界既時候, 曾經講過張家界以前入面最多既野就係土匪!! 我地而家親眼目到!

食完呢餐飯, 我地又要出番去等專車. 呢程車都幾長. 仲要冇乜位坐, 我地坐到人搭人. haha~全程車...好嘈呀!!!

落車之後, 到左陋家甲入面既精髓之地. 我地同哈利路亞山越來越近喇!!

我地而家呢度叫做天橋鎖, 有好多人將d 鎖, 鎖晒係呢度, 預意係同情人緊扣住一齊! 其實點解呢個位會係咁呢, 因為好得意ga, 呢個位兩座山, 剛剛中間有一條橋, 將兩座山連埋左一齊. 意頭非常好~

條橋就係咁樣連埋左一齊喇~

好喇. 到達我地黎張家界最想睇既地點喇!!! - 哈利路亞山!!!

但今日好好天. 冇阿凡達個種感覺.

其實行上黎呢個山..係行左好多路ga~ 跟住再去埋張家界既另一個景點.

唔知係咩景點. 我地個導遊其實唔知有冇介紹..我都冇乜點聽書. 一來聽唔明. 二來攰到嘔. 我諗大家都冇留意呢度係咩景點. 我地只係留意點樣去自娛.hahah~影左好多好攪笑既相.

 

 

我地冇野叻...最叻擺pose!!

好喇. 差唔多要走喇. 臨走要再比人打劫多一次..真係唔明. 張家界既入場費已經要咁貴啦. 但入面仲有好多其他唔同既收費.

今次我地又要比錢喇. 搭呢個百龍天梯

go to Day 5 Part 2

 

 

 

 

 

 

 

 

 

 

 

 

 

 

 

 

 

 

 

 

 

湖南遊 Day 4 - Part 2 (4.4.2010)

 

7:30pm 到酒店大堂集合. 因為今晚要去睇民族表演. 所以晚飯要晏d至食.

第一次停車既地方好黑. 原來因天雨關係. 改左地點去室內大劇院

苗族美女做迎賓. 睇下子樂開心到...笑到見牙唔見牙

話8:00pm 開場. 仲等我地趕頭趕命. 原來仲未開始. 入場後係有人o係台上面, 但原來係拍賣囉. 拍賣畫.

8:30pm 至正式開始.有歌舞

有神乎奇技

仲有震爆耳膜既歌唱表演, 呢個女歌手...真係非常"高" 音!! 可震爆玻璃. 呢d就係苗族歌曲特色?.

呢個表演既中場有邀請一d現場觀眾上台玩遊戲. 都幾好笑...但dennis...你...

熟睡中

差不多10:00至完呢個表演. 我地離開場館. 但原來仲有一場. 出左場後要行去另一面.另一個細d 既場館, 呢度係睇神功表演ga~.

呢個神壇..好得人驚.

究竟所講既神功同氣功有咩分別呀?...

睇完呢個表演都已經10:30喇. 仲未食晚飯.我地book 既車送我地返酒店, 奇怪既係居然要我地必需要係酒店既餐廳入面食飯.一時話係公司規舉,一時又話呢度好危險, 唔可以出出面. 究竟點ga~..

大家都好鼓譟, 不斷叫Jimmy 同佢地講. 都仲未講到有結果, 司機突然氣沖沖咁走落車, 好大力咁嘭埋車門, 同我地講係公司規舉! 點都要係酒店食!

令我地非常極度不滿, 加上大家都肚餓啦.攪到大家都好唔開心..我地又唔識講佢地d 湖南話. 只有jimmy做到翻譯. 我地又講. 個導遊又講.

其實我地亦都有諗過同佢地妥協, 迫我地呀嘛. 咁我地咪係酒店餐廳入面食飯囉. 但我地只叫一碗白飯. 九個人分, 然後再係出面搵餐廳食.. 最終亦因為已經11:00pm. 酒店既餐廳都已經打烊.佢再迫我地都冇辦法.. 於是個導遊就叫我地第二晚需要按規舉, 講多幾講. 女導遊又話唔洗. 哎.....我都唔知攪乜, 我只知大家眼裡面只望到酒店對面既小餐館.

件事好似解決好.我地就搵間餐廳坐下.

但男女導遊居然跟埋過黎. 不斷跟Jimmy 講一d我地唔明既話. 應該係解決好喇..?但以Jimmy既意思所講. 女既導入其實係幫緊我地說服個男導遊..anyway. 我要食野唔好阻住我.

叫到全抬都係串燒

食飽飽,,大家既心情好似都好番小小. 開始詳談"屎尿屁".

D&J 就先返酒店, 話要搵技師按摩.

估唔到呢一餐會食到12:00差唔多1:00am 啊.

返到酒店, D&J 原來冇按摩. 因為JOJO肚瀉. 仲瀉到洗手間塞左. hahahahah~. 過左我同飯車呢邊用洗手間.

唔只佢地. 連Matchman個面個廁所都塞鬼埋.

呢晚差唔多3:00am 幾至睡. 我都唔知同飯車攪乜鬼野.左整右整..每晚都好夜至訓.haha!女人..真係無事忙..ha!

 

to be continue

湖南遊 Day 6 (6.4.2010)

咁就黎到最後一日既行程, 由於係復活節假期, 所以機位太滿, 所以我, 麟,Kelvin同Jimmy都選擇搭高鐵返香港, 至於其他團友就搭飛機. 所以今朝早程車將會先放低Dennis, Jojo, Matchman, 子樂同飯車. 跟住我地就要等到夜晚至搭高鐵返香港.

一早有點雨呀, 影影我地呢間黑店酒店先.

呢程車非常非常之長. 中途子樂頂唔順叫救命要落車比佢all 尿.hahaha~ 笑死我地~

終於到達. 放低左搭飛機班團友後. 我地幾個就跟Jimmy 出發去他長沙的老家先放低行李.

入到間屋, 見到好多Jimmy Grandma 既相片同証書. Grandma 已經過左生喇. 但Jimmy的Grandma 好利害. 係Yale University 既畢業生. 一個咁有學識既人. 在當年既文化大革命年代..一定過得好苦..

Jimmy 先帶我地去醫肚. 就係附近既小店食幾個小菜. 老老實實國內既菜真係特別好食!!雖然只係求其去一間. 但呢間d野食都唔錯.

跟住Jimmy就要去探佢既婆婆了. 佢婆婆又係一個非常有學識既人. 原來係翻譯小說既作家. 婆婆同我地傾左好多. 講佢既工作. 仲係咁拎野出黎比我地食tim~. 一個好funny既婆婆. Jimmy 真係幸福~:-)

探完婆婆, 我地就搭巴士, 出番去長沙既鬧市, 先去Pizza Hut, 探阿Shawn, 佢係入面做野. 咁樣一別. 又有排都唔見lu~

因為時間仲未夠. 所以我地就是但搵左一間Cafe 坐低休息同埋傾下計. 呢度係長沙最熱鬧既步行街. 叫黃興路步行街. 應有盡有. 食.玩, 買. 全部都齊!

黎左呢間Cafe 仲要有live music ga~有一個彈木結他既男仔唱歌.

一定要叫一杯熱飲. 唔知點解黎到呢度. 個頭開始好痛同埋喉嚨好鬼痛.

以我既個人經歷黎睇. 完左呢個trip之後. 我一定會病到趴係度!

係度同Jimmy 傾左好多野. 講佢細個既生活啦. 佢家人同佢既感情事. 我地幾個都了解左佢好多.

6:00喇. 是時間要返Jimmy 屋企拎行李出發去高鐵站.

但我地要等Jimmy daddy, 佢車我地去高鐵站. 所以我地係度自娛. 就係彈琴唱歌了.haha~

呢部鋼琴利害咯. 係Jimmy Grandma 時代ga! 所以d 琴鍵都已經變黃. 但仲係好好聲ga!

Jimmy Daddy 返黎之後. 我地就出發去高鐵站了.

好攪笑. 居然我媽咪同爸爸係早我一班車. 同一時間係高鐵站出現. 但居然咁都見唔到.

上左出之後. 到左廣州之後. 我地仲要搵車落皇崗. 早前Jimmy已經book左, 嘩~個頭痛到爆左!! 超唔舒服. 仲有d 想嘔. 所以我一上車就要立即訓.

去到皇崗個司機居然仲要加收我地錢! 真係谷出我既火黎. 我要返屋企呀!唔好阻住我!!! 所以冇辦法之下要迫我鬧人. 真係失禮晒.haha~

跟住就係皇崗搭巴士去荃灣再返屋企. 呢程車真係艱辛! 但全個trip 都撞唔到我阿爸阿媽. 居然係皇崗撞到. 但佢地兩個見到我時, 只係推住個行李行過我身邊. 講左一句" 喂. 乜咁arm?" 跟住就走左. hahahah~~係! 佢地就係咁funny ga喇..

成個trip咁就完左喇. 個trip 真係有點貴既. 但同一班咁好既朋友一齊去玩. 錢都買唔到ga~ 希望再有下一次啦.

PS: 返到香港..基本上我地係有一大半既團友都病左!!包括我在內.  仲要全部都病得幾嚴重. 可能真係太凍. 全部凍病左.HAHA~

湖南遊 - Day 5 - Part 2(5.4.2010)

 

百龍天梯又要另外收費.

睇下呢班大細路...ha~

326, 原先我仲好白痴咁以為係326樓. 跟住上網睇番至知. 原來係高度黎ga! 即係326米!

外面係落地玻璃既LIFT, 不過..D 玻璃唔係太乾淨..

差唔多60蚊一張既天梯門卷. 玩左30秒就完左~所以我地又要自娛.hahaa.

哈哈~~都話我地擺pose 最叻ga la~

好喇. 其實黎到呢度已經完成左我地張家界既行程喇. 5:00幾, 又要搭番專車出番張家界景外.

我同飯車係車上面睇番頭先影既相期間, 在毫無防範之下. 居然有一隻蜜蜂係我隻手指公上面.

見到之後真係嚇死我. 跟住隻手指就好痛喇...個隻痛..真係好鬼痛...係麻痺咁..好驚..於是喊起上黎...仲比我踩死左隻兇手.

好彩車上面有d 其他香港人, 佢地拎左d 藥油比我, 至於條蜜蜂屍就照執起佢. 以防有咩事時可以拎比醫生睇.

隻手指越來越腫越來越紅. 同仍然係麻痺...好彩飯車都仲有藥油可以比我keep 住用.

落左車之後, 我地就返酒店先. 我地既團友們話想按摩, 所以就叫人上房按. 而我就冇按摩...阿車按完摩後. 已經8:00 lu~

我地出左酒店附近周圍搵野食. 其實我阿爸媽都咁arm 有黎呢度旅行. 同佢地聯絡後. 原來出面有好多地方有好野食. 係我地個衰導遊唔比我地出去之ma~

我地見到有一間蠟肉食. 其實係湖南真係好普遍. 有好多呢d 既舖頭.

於是我地就入左呢一間就食晚飯,好喜歡去呢d地方食野..好地道..haha~

嘩~正呀~~~

我地叫左兩鍋呀~~正~話就話一鍋辣. 一鍋唔辣. 但我地全部都人覺得兩鍋都係唔辣.

anyway, 出面天氣咁凍. 我地入面食火鍋好正呀~

呢餐飯, 食得好開心. 成晚係咁笑!!主題係"屎尿屁",haha~

居然食呢餐飯可以食到11:00幾. 跟住我地就行路返酒店. 成班人一齊真係好開心好好笑.連係街都突然嘈...haha~

by the way, 我比蜜蜂針個度,都已經冇乜點痛. 但仲係有點腫.佢就係兇手....

湖南遊 Day 4 - Part 1(4.4.2010)

 

 

由於尋晚飲醉酒關係.7:30am morning call,立即起床沖涼.個頭痛到爆.好似比人打完咁. 其實你地有冇襯我飲醉酒...打左我一獲呀(hahaha).....好鬼暈...全身仲要係紅卜卜, .酒氣未散. 但當沖完涼後. 已經散左紅. 但頭仲係好痛..

好快執好行李後就訓返上床..個人呆滯左...=.=

9:00am 集合, 等齊人既時間都已經9:30am, 行到附近食早餐..

11:00am 開始出發到張家界. 今日車子面多左一個女人. 原來係我地既導遊. 忘記左佢叫咩名lu~.

長途車程

我一上車既第一時間..已經係睡.......中途站. 眾人落車去洗手間. 我都訓醒左. 連頭痛都冇埋喇!

車繼續開..團友們好似仲未訓夠..haha!

又有甜睡寶寶了!

呢程車差唔多有5個幾鐘. 3:00pm 幾至到. 到達之後, 導遊就帶我地食午飯-- 土味菜

一班伯伯捉棋中..

張家界5:00pm 唔可以再入場. 仲要我地先check in酒店, 但因為司機話, 張家界外既車唔可以進入.所以最終都係先到酒店check in 同放低行裝. 10分鐘就要快速到大堂集合, 出發到張家界.

到達呢間大宅門酒店, 就又多左一個男導遊. 原來亦係當地導遊.

進入張家界

我地既酒店同張家界非常近. 行路過去都只係短短10分鐘都唔夠就到lu~.

4:30pm 到達武陵源入口. 每人派左一張入場卡.係兩日既門券, 經過閘口. 要用手指摸做記認, 以便第二日入場既時候用.

入場口..大合照!

 

入場後就搭場內既專巴進入十里畫廊

落車就轉乘小火車睇呢個十里畫廊,

不過我都係而家至知, 原來入到黎. 係每個地方再另外收錢買每part 既飛. 呢個小火車都唔例外

每一舊石都有名堂. 但由於係普通話講解, 我tune唔切呀. 講解太快. 而且我地都係左望右望,左影右影, 最終係咩都聽唔到. 最後只聽到"三姊妹峰", 因為..三姊妹峰就係小火車既落車站...=.=,

原途大約只是10分鐘.

記得澳洲Blue Mountain 同樣有三姊妹峰.

落車後.左睇右睇. 奇形怪石真係很多很多...

第一站來這裡其實亦已是今天張家界的最尾一站..因為太晚. 張家界關門時間是6:00pm, 所以團友們有些買完手信後, 我們便坐小火車便離開了...

明天才是進入張家界的戲肉.

 

續Day 4- part 2