西安尋秦記 - Day 1 (24.May.2012)

今次旅程本想去南京, 但南京除了南京大屠殺館我係有興趣行之外..其他...都係亭台樓閣...沒其他特別. 如果可以就可以連其他城市玩, 但時間又唔許可. 諗左一段時間, 朋友建議之下就出發去西安. 前後plan 了兩星期就出發了.
今次的旅途之友係Kelvin, 上次已同佢去左一次上海, 與一個超級無所謂既朋友出發, 都係一種唔錯既選擇.

臨出發前我比較鍾意去旅行社問價同睇佢地既行程表, 對當地有基本既慨念先, 其實本身我都有諗過跟團. 唔想諗咁多嘛. 但又係朋友建議同鼓勵下, 最後都係自由行.
香港旅行團好多都要5日連其他城市出發, 團費差不多5000幾6000港紙, 齋問機票都已經3800幾. 而家都唔係peak season都咁死貴.
於是就同Kelvin 上大陸網搵機票, 係深圳搭內陸機應該平好多. 加上我地一個住天水圍.一個住屯門, 去深圳機場同香港國際機場既時間其實不相伯仲.

最後我地係中國東方航行買了兩張特惠機票, 去程RMB 480. 回程RMB 780. 抵好多. 雖然係個網度攪成3粒鐘至買到張機票. BUT END UP都完成到.

晏晝機...由天水圍出發到福田口岸半小時, 再過關各樣到達深圳寶安機場一共要個半小時. 與去香港機場真係差唔多..(香港機場個E 車兜到癲左)

到達西安咸陽機場...個機場比起深圳寶安機場好10倍. 又光猛又乾淨!! 仲好長.................

跟據之前搵既資料,有6條機場巴士可以出發到西安市中心. 我地選擇了遊1, 去西安市中心.
好快就上滿客. 好快就開車

西安天氣陰天. 有點涼, 乾爽. 都幾舒服. 天文台FORECAST 西安天氣有雨. lucky地我地無撞到落雨~ 頂盡都只係陰陰天~

今次完全好依賴Kelvin, 佢認路簡直一流. 唔講我以為佢去過西安. 加上佢部手提電話一早dl 定西安地圖同有GPRS. 拎住行.包唔到走失.
好快就搵到我地既Hostel - 漢唐驛 Han Tan Inn.
我地都係網上一早訂定左第一日房. 只係RMB 45 一個床位. 我地選了 6 Mixed room.

呢間Hostel 係hostelworld 搵既. 係Top 3 in the world 既Youth Hostel. 真係好正~ lobby 有bar and resturant, 又有天台,星期一至四會有live band, 天台又有ping pong 打, 仲有sauna room, 好到不得了~

間房真係好唔錯. 一上房得一個房友. 係來自日本既一個妹妹. 正係度溫緊書, 準備佢聽日出發去敦煌既行程. 傾左一陣. 我地梳洗好. 放低行李就出發行程了~

好肚餓要搵野食先.

 附近有一條叫回民街. 聽聞好多野食. 即管去個度食下...

原來成條街都係食清真蘭州野食. 嘩~arm 晒我口味..最鍾意食辣野.

呢條街...大到...我地行左3日都行唔晒.

呢間好多人食. 排晒出外面, 我地唔執輸又試下. 呢間係專食泡饃. 之前睇旅遊書已講係西安一定要食..

sorry~本身唔係咁既樣. 但因為同Kelvin share, 所以整到咁核突...well..呢碗叫牛肉泡饃..唔係話真係好好食..但又唔難食咁囉.
裡面其實有d 粉絲.

其實唔夠飽. 見到有間舖頭門口整緊呢d 餅好似好好味. 又試下...
超熱氣同埋...好油.有d驚. 家陣我食d咁油既野真係好大獲. 味道都ok 既.

兜番出回民街. 繼續周圍行. 見到都城隍廟, 當時已經5:00幾喇..廟都關門了. 但都入去兜下啦..

兩面都係賣手信. 好多好多手信. 但當時未有癮去買野住.

一定同Kelvin講,西安除左泡饃之外, 仲有夾饃. 我都好想試下. 終於見到有一間有得食..

原來就係夾一d 烤過既牛肉粒係入面/ 夾個飽咁食. 都ok la~我會鍾意呢個多過泡饃囉~

當然仲有唔少得孜然串燒啦.不過只有牛肉咋...好味道~~~

好. 食飽飽. 去搵城牆lu~


其實西安市中心話細唔細. 唔大唔大. 所以野野都行. 都咪話唔攰. 好衰唔衰著左對唔舒服既波鞋黎...

城牆外圍都有一d好靚既公園. 但呢個公園實在太好笑. 好多設施比人用 有得打ping pong, 又有d 健身器材. 笑係唔係d 器材,而係d人玩得好好笑. d post好勁.

搵城牆正門都好難.

呢條就係護城河. 好靚呀影得~ 其實影呢張相已經係夜晚8:00pm喇. 但西安既日照好長咁..仲咁光既...

要過埋呢條馬路就可以去到正門. 但呢條馬路想點呀...彎既?????

其實我地到左城牆上係想踩單車遊既. 但因為太夜. 單車唔租出了~

城牆分兩邊樓梯

影張lomo 相..city wall of the light~~ho ho feel~

城牆向外面睇. 呢度一帶都係酒吧同埋食肆. 仲有好多hostel tim~~

城牆外~

行路返hostel, Kelvin 仲好肚餓. 於是就去左一間hostel 附近一間既小店入面食左一個炒飯. 我冇食呀~,佢就話好好味~

返hostel 梳洗後就上床休息. 個日本女仔一早就訓左喇. 間房仲有一個外藉男仕. 不過唔多講野. SAY 個HI就算.
另外仲有兩個外國人入住我地間房. 係兩姊弟. 但佢地成2:00至返黎..雖然已經係靜靜地返入黎. 但夜蘭人靜, 同埋係入睡時間, 小小聲音都覺得好煩厭的~
不過...住得hostel..房錢就係預左呢d野ga喇~~