尋晚訓得好差. 今朝又要好早起身, 因為雖然話係4天遊. 但實際只得2日半. 所以一定要好好利用時間. 7:30am 就起身. 同返工起身時間一樣.
大家set左半個鐘頭內出門口. 果然半粒鐘攪掂, 行出Hostel諗住搵食.周圍都未開. 唔理咁多. 搭多的士去火車站先.
陝西省旅遊局真係好好, 為旅客方便, 設有一系列既旅遊車比旅客去景點. 每個站只需要RMB 2. 全程RMB 7. 我地搭遊5 車
開車後都原來會有人大約講解搭車既車程時間, 回程不停站. 每站收費.
好好彩地好快就開車. 原來係每15分鐘就有一班.都幾密喎~
本身我地諗住坐到總站再回頭. 但原來回程無停站. 所以一定要順住架車既站出發.
所以第一站先到華清池.
差不多一個鐘頭車程就到左第一站華清池.
原來落車仲會有個拎住旗仔既女人帶我地行去售票處. 以免中途比人呃,因為由落車地點行去售票處都要行大約5-8分鐘.
陝西省旅遊局安排真係好好呀~
之前上網搵既資料原來已經唔UPDATE喇. 而家華清池入場費貴左好多喇.
上網睇佢本身都係分左3月-11月是peak season, 所以入場費貴d. 但上年都仲收緊$79-$90. 今年又加左價去到RMB 110.
Well 都黎到...都要入場ga la~
一入大門口, 見到呢個長生殿. 氣派不凡. 好似去左京都咁...
諗番起千年前唐玄宗同楊貴妃係呢度就成了一首詩" 夜半無人私語時, 在天願作比翼鳥, 在地願為連理枝.." 好詩好詩! XDD!!
堅似京都呀~好明顯係京都抄中國~
貴妃像....我完全冇辦法可以影得到一張旁邊冇人既相...因為實在太多人爭D 同貴妃影相了..
呢個就係貴妃湯內的浴池..比貴妃私用黎洗白白既. 但中國人的特色就係...只要見到有一個池, 入面不論有水定冇水. 佢地都會掉D錢落去...
咁就變左許願池...=.="
呢度經歷左兩代既歷史, 所以真係幾有歷史價值既地方.
華清池本身係唐玄宗同楊貴妃每年來過冬的地方, 入面有乜乜湯乜乜湯係用黎比楊貴妃同佢3個姐姐沐浴既地方. 當然唐玄宗自己都有一個啦.
但凋朝既安史之亂之後, 呢度已經被破壞.
及後近代史蔣介石又搬到去華清池公園入面住. 西安事變就係呢度發生GA喇~~
唔係呢度長談歷史了. 我地走馬看花地睇完就行番去我地落車既地方等番遊5車. 再去下一站. 等左10幾分鐘. 就有第2班車到了.
下一站...秦始皇兵馬俑博物館!! 重頭戲. 黎西安都係想睇佢咋.
落車之後今次就有小小CONFUSE. 一來我地跟唔切個拎旗仔人去售票處, 二來係自己八卦周圍望睇野..miss左.
原來落車行去售票處又係要行一段路. 同兩個外藉人士一齊唔識路. 佢地來自波蘭, (一個我好想去既地方...), 一齊搵路一路傾計.ha~
去到門口.至知原來要行返轉頭買票~anyway, 買到飛就分開行了.
終於到大門口,入場了~
都仲要行一段路至到坑.
所以大家一定要著一對舒服既鞋呀~
上網搵資料行既路線次序係坑2, 坑3, 至去坑1. 因為坑1 係最大..
所以我地就坑2先..well...唔識睇d字..
雖然張飛上面印有一個小小既地圖...但因為唔識睇呢d字...唔知自己係邊..XDDD
應該係個2字...XDD
呢個係坑2, 入面有點暗, 同埋唔算太多人.
呢個主要係睇車痕.
有少少量既兵俑~
2號坑內既另一邊設有一個館. 將兵/馬分類. 續一解釋佢地既官階. 只冇做功課既人..黎呢度睇左先再行都唔遲...
去到3坑真係細好多. 但開始有少少完整兵馬俑睇下...呢個館我地只係留左一陣就走LU~~
跟住就好心急地去1號坑. 究竟有幾大幾誇張呢???
但我地搵極都搵唔到正門. 但就見到有一班人係下面地爐樓梯行上黎...我地諗..應該係1號坑吧?
一行左條樓梯落去..超近...我嘩左一聲~~
近到只係咁樣隔住~~
原來是側門.
1號坑相比之下....真係壯觀好多!
呢個館既兵馬俑數量勁多! 而且大部分都好完整. 好多唔同種類既俑都好齊全.
雖然唔係旅遊旺季. 但都非常之多人. 特別係我影呢張相所企的位置. 係一個高台. 可以影晒全景位. 多人都迫實晒. 我幾難至迫到入黎~~XDD
行完個館, 行左好多路..好累..
剛好下晝. 食個下午飯. 行出去館外面..多野食得交關~
是但搵左一間入去食野. 見到呢個字唔識讀.
之前上網都冇見過呢個字. 唔知係咩特色野..於是叫左..
我地叫左一個蘭州拉麵. 褲帶麵. 同埋唔識讀那個字既麵....
WELL~~非常垃圾, 完全真係呃旅客錢...蘭州拉面入面個D肉. 根本就係腸仔肉. D麵都唔係正式既拉麵.
那個唔識讀個字既麵.仲過份...好Q貴. 呢餐食左百幾蚊!! 嬲死我!! 呃錢~~記住千祈唔好係兵馬俑館外食野...正一"荷蘭銀行支票"!!!
下一站....我地拎住飛尾就可以搭接駁車去秦始皇皇陵~
well. 差唔多都要搭多5分鐘車ga.
兵馬俑門卷已包左去皇陵.
嘩~呢個皇陵....大到痴根...大到有d 迷失..都唔知邊度至係皇陵呀救命..好彩唔係好曬....唔係真係好大獲~~
入面仲分左好多細分路~~指示唔係太清楚.....條條路都仲要好死長...Well....根本就係一個公園
路上見到呢個吊緊鹽水既樹..其實我地出機場已經見到. 但冇機會影. 估唔到呢度見到..好好笑~~sorry~ 可能真係有. 但小女子真係第一次見.
行到黎呢度已經行左我諗半粒鐘有多至到ga 喇... 入去之前..本人仲肚痛...可能食左油膩野...手術後一直都係咁....忍唔到..
好彩呢度有洗手間..仲鬼死咁乾淨tim~~好彩好彩~
呢個陪葬坑其實同頭先既兵馬俑有d 相似. 不過...呢度係有真馬既屍! 係用真馬陪葬ga!!!!因為有馬骨.
老老實實秦始皇呢條友分分鐘真係有人真人陪葬(我估)!
本來入面仲有好多陪葬坑. 但實在太大. 指示唔清楚...決定放棄~ 搵出路閃人...
搭番接駁車返去兵馬俑個面, 再搭遊5 返去西安總巴士站.
見時間仲有小小, 決定去陝西歷史博物館! Kelvin有你在真好...根本就係一本人肉地圖!! 點解可以咁有方向感!!好利害!!
可惜既係...西安太大..睇地圖同實際要行既路係差好遠. 所以我決定搭車...總好過行去..行去都關門了!
可能唔arm路既關係. 好多的士佬都唔肯兜我地. 有一架類似篤篤車既阿叔走黎, 於我地我就上左佢車. 兜我地去最迎既地鐵站啦. 因為佢呢架車...去唔到太遠~
來到了地鐵站...好乾淨..
月台同車箱都好乾淨呀~~但外國人一定唔識搭~因為佢d站名唔係英文~~例如鐘樓站..並唔係BELL TOWER..係國語併音囉..
我地落車睇出口. D出口係最近既...之但係....D出口係.....咁樣...
我地去到都已經4:00幾喇...陝西歷史博物館已關門了!!唔可以放人入去...真可惜...
由於行去呢個博物館已用盡力氣. 所以 Kelvin又唔知點解好勁咁識路地搭巴士...
我地決定搭巴士返hostel 先. 天氣好熱..
返到去好好咁參觀下同埋睇下其他旅客係度做乜..
原來天台有兵兵波抬. 有兩個外國後生仔對打緊. 仲有sauna 室, day bed 同埋好多抬抬椅椅比人坐同傾計.
同埋天台仲會簡中舉辦一d活動. 例如hostel 會教兵兵波班/結他班等等..都幾得意
天台環境唔錯..但我只想到會有蚊.....蟲...因天氣都幾熱..
好喇..因為聽朝早要出門. 所以我地就早d出去食飯, 7:00就到左附近一間餃子店打打底...
12蚊人仔!! 細細粒..但真係幾好味喎!!!
我真的很愛食餃子.....
跟著便到周圍走走...
周圍都有好多間apple shop~..似假店多d..邊有開得咁多呀!! 多過7-11呀!總有一間係左近..
今晚時間幾多..決定再去番尋晚既食街搵食............
這個是花生榚...建議可慳番唔洗食,,,冇花生味...唔似似乜鬼...
燒鵪鶉蛋
一串鵪鶉蛋 , 已無蛋味, 只有調味料既味道. 已經都幾熱氣...麻麻地啦....(有次在香港的美食博覽也發現有這個的存在了)
