及時行樂: 9月 2011

2011年9月15日星期四

公司夏日大旅行 - 首爾 Day 3 (22.Aug.2011)

始終都係公司旅行...時間上都只有少..不會多....>.< 大家一早執好行李放好集合地方之後.

今早早d 起身就去shopping. 大家都用最少的時間買最多既野.

跟大隊第一站先到lotte world duty free 買護膚品, 雪花秀好平呀~!!

我都有少少收獲ga~不過衰就衰在我一路都好少留意韓國既牌子..今次真係走寶了...
返黎香港至知原來個面雪花秀賣得咁鬼平.香港原來勁貴呀!..早知大量收貨啦...

跟住去左地下個層既super market 買手信. 買d 韓國零食.
旁邊賣蛋糕的.....好吸引~~~

睇下d cup cake 幾靚

順便再周圍行下

趕著中午食飯前回酒店取行李集合...

就出發晏晝今日個餐勁豪既韓燒~
燒牛肋骨呀~ 係韓國食牛肉係好貴ga~ 所以今餐公司真係好豪..

在這間食...後面仲有個小花園. 亭台流水..環境唔錯ga~

the long table~~

真係好貴呀!!!!最平既package 都要HKD 1200一位. 最貴..要成6000幾都有呀!! 誇張..公司真豪...(希望我冇睇錯個牌...)

不過...真係好味到............停唔到口!!!! YUMMY!!!!

食完這一餐...過附近有一間賣手信..紫菜/泡菜..總之手信既大舖頭...停留一陣比同事們購物...
買完野已經要出發機場...

這短短的行程就此完結. 不過總括來講...今次行程非常開心, 因為d同事真係玩得極投入!!!!!! funny!

2011年9月14日星期三

公司夏日大旅行 - 首爾 Day 2 (21.Aug.2011)

今日既行程..是之前報名就已經要選定.有d 同事就會去玩整泡菜.有d同事就去玩滑雪.而我就選擇左去DMZ ...最接近北韓邊境既地方..

臨出發前..要影多次我份早餐先..因為真係好好味..

好...出發DMZ~~
差不多到達時. 原來旁邊已經出現好多哨站.

再臨近一點就開始出現下面的圍闌. 限制車速~

到達後..一大個DMZ 歡迎你.

首先比我地去參觀既..
係落一條地道. 想當年北韓偷偷地係地下掘了好幾條地道. 想偷襲南韓. 點知中途被發現. 而家地道仍然完整.

但落去時.就需要帶頭盔. 因為有D 道路好矮. 需要彎但身過. 生得高既話好易撞到頭..而我...就係生得高..撞到幾次..多謝個頭盔!!唔係我一定爆血了!

唔好睇呢度好似好新淨呀...其實下面唔係咁ga~~(下面唔比影相的...)

完成呢個地道探險..就行左一個小小既展覽館..講解南北韓既野..
下面呢個圖就係顯示都羅戈展望台會見到的北韓....

旅遊巴繼續上, 其實我以為行程已結束...好低能~~~>.<, 原來而家就帶我地去都羅...

前面呢d一排排既望遠鏡就會望到北韓了...

但係..你係唔可以企係望遠鏡位置影相影過去北韓...
只可以係下面既黃線外影.. 即係如果你部相機功能好..zoom得遠...而且又生得勁高...基本上..你係影到過對面...

從我肉眼係望遠鏡見到既.係一大片地..有一d 樓房..同最右手面有一排好靚既矮樓房..
導遊講解..個d 矮樓房係假...係北韓人..起比南韓人睇...叫做"示範"樓房...好攪笑...

仲有一支..世界記錄大全既最大國旗~~同樣係因為南北韓要鬥大...結果相方..越整越大支國旗出黎~~而做出左世界記錄!(但sorry~影唔到相)

下一站 --> 都羅山驛.... 一個期待可以成行的火車站...當一天南北韓可以通車時.....

這個車站...好新淨..雖然未通車.但我相信真係每日都有專人黎清潔喎...

睇下連過關通道各樣都齊備了!

由於都羅山站係旅遊區. 所以呢度既軍人都可以同你影相...我170cm高...佢地仲要高我一個頭!!!好利害呀!!

睇完呢個車站, 嘩~原來咁快就食晏..車左我地去附近食這個....火鍋...非常之麻麻地啦..

好啦..出番首爾~~準備今晚公司既重點party!!!

臨返酒店之前...又放低左我地兩個鐘比我地買野~~shopping...正!!

買左少少野...收獲不多. 但主力都有自己心水野黎買..所以..冇洗大左..hehe~

好返酒店換好衫就係時候要出發了~非常極趕. 點知一返到房酒店. 咦~有紙樣原來今晚個annual dinner 要延後.
好野.可以訓一陣tim~

休息左我諗都有半個鐘至一個鐘...起身就準備今晚annual dinner~~

每年主題同dress code都唔同..今年...dress code..唔洗講都應該知係咩啦..睇我地著既衫就知..

酒店大堂同事們已準備好..., 跟旅遊巴出發去今晚會場先.

今晚主題係..學生呀!!!

我個look ok 嗎?

每個同事都好投入..~

個校章是公司提供的. 係公司logo~ 真抵死.

有d同事出既校服...係堅校服黎ga~~~

中間個位就係我老闆喇~~~~

未正式開始dinner, 大家就已經影相影到癲晒.

今晚個會場...

先同兩位今晚做司儀既同事合照先~~

晚宴開始了...先來抽獎就遊戲. ..

請左一隊韓國組合來唱歌跳舞...跳nobody ~ 但我好肯定佢地唔係wonder girl~~~
但全場真係high 爆~

每人一本手冊tim~..真攪野~

抬面上面仲有一d 道具比大家影相..好鬼得意...

獎品非常豐富..老闆癲左..派錢....雖然今晚我抽唔到獎.但都玩得好開心~~~

飯食完後...還有party~....dance dance dance,,,

awesome night!!!!!!! nice party!!

2011年9月13日星期二

公司夏日大旅行 - 首爾 Day 1 (20.Aug.2011)

又輪到公司一年一度既Summer Fun~, 好野今次去韓國. 好開心. 今次係我第3次去韓國....第1,2次去..已經係好耐年前...當時仲叫漢城...

由於是零晨機既關係. 所以...朝早仲要返工呀~~但大家個心都已經放晒假..haha~

到步後..幾大個banner 接我地機~~~

我地住呢間酒店...

由於到步都已經係晨早6:00幾7:00..所以都仲未有人退房.就算退到房..都冇地幾百人咁多間啦. 所以..公司只安排左幾間房比我地先沖下涼.洗下面先.
其他好似我呢d仲好精靈既同事就可以去ballroom 食早餐...

個ballroom好靚呀~

d 早餐仲好正tim~~..西餐..arm晒我呢d西人..

嘩~..話咁快就第一站.先去N TOWER..

去teddy bear museum~~ 老老實實..呢個展館都幾冇野睇.
可能唔arm我掛...

行完都只係9:00AM幾...
旅遊巴上的導遊就比我地係東大門度放低一小時. 自由活動先.

而我...主力都係食既姐...
成日都話唔買唔買.點知...一見到ETUDE HOUSE D野咁平..已經忍唔到手...

一小時好快完結. 跟旅遊巴返公司集合..但仲未有房呀!!

公司比我地有幾種行程. 你可以全程跟實公司. 亦可以自由活動.
上次去新加玻冇跟公司..就MISS左好多野.
所以今次就死人都跟貼公司...公司去邊.我就跟住去!!

於是下晝就出發跟公司的"秘密"旅程. 即係...你一係就跟...但你唔會知道去邊..

第一站...醫肚...人蔘雞!!!

正呀~~~爆瘡就爆瘡啦~~~~食左至算!

食飽飽就繼續行程...原來連導遊都唔知去邊..一路行佢就一路打電話問究竟去邊..真係好攪笑喎~

睇下..全部都係我地d 同事...好似比人賣豬仔咁~~

原來...係去呢度飲個Afternoon drink~~咁早就飲酒...

成個場已比我地公司既同事包圍..

點了這一杯cocktail. 味道有點似...cranberry + tonic...well~~唔知咩黎..似藥味咁啦..

係度坐左差唔多 1個鐘多d.就閃人了.

又係一路唔知去邊.架車左兜右兜咁..直至見到這個大門~~

oh~~入JW???? 咁high??咩事

原來食buffet 呀!! 我地既dinner!!! 嘩~~花多眼亂...個餐廳比我地公司包起左..好豪呀~~~

此餐是極之好味!!!!!!!!!!!!!!!!!!!!! yummmy!!!!!

係咁食係咁食..今日好似未停過咁..
不過仲未完ga~原來今日仲有最後一個行程..就係船河呀~~~

有位導遊姐姐用英文講解下一站係船河. 如果有暈船既同事就先去搵hr 同事拎住一d 暈船藥, 當好多人知道要上船..就索性中途回酒店休息..
其實都幾累ga~之前一晚搭零晨機..呢晚又要玩到咁夜..但..我係唔會放過既...跟隊! 我既Roommate就頂唔順返酒店. 所以我就同Bonnie一齊上船. 因為佢個roommate都頂唔順要返酒店~haha

旅遊巴行左好耐至到達碼頭...
e? 呢度咁似拍韓流怪客景點既?