及時行樂: 4月 2012

2012年4月2日星期一

公司20周年杜拜大旅行 - Day 3 (part 2)

公司又再次玩神秘. 我suppose 係酒店入面ballroom 度攪gala dinner, 但原來唔係....係去armani hotel!! 嘩~~正正就係哈以法塔旁邊晚餐. 好high 呀~~

這個是我今晚的造型.. 件衫好fit身. 我都估唔到咁arm 身.~haha~

專登開多一個page 就係放呢晚既相. 影左好多好多...

正等待行紅地毯進場呀~~~

今晚會場...好多圍抬呀~

今晚抽獎環節不多. 但我都好好彩抽中左...USD 100..細獎..好過冇呀~~~咁多人喎今晚.都有份..都叫好了~
我與孟加拉同事

現合作的同事

差唔多12:00至返到酒店...好失儀態地.一行左落旅遊巴就脫鞋了...4"高HIGH HEEL. 本人本身已是5"6半. 加多4"...今晚係極限了..平時我邊會著高跟鞋呀~~

公司係酒店仲攪左個after party~落disco...嘩~~唔得喇...明早5:30am 大堂集合去機場..仲玩..真係唔洗訓咩...

這個超級無敵勁趕既杜拜trip就此完結...好似咩都冇玩過咁...同埋全程都唔夠訓.ha~不過的確..杜拜好靚~

公司20周年杜拜大旅行 - Day 3 (part 1)

今日既活動, 其實係公司安排既. 但我地抽唔中想去既活動. 最終我地變左自由活動. 都好呀. 唔洗咁早就起身.

訓到8:30...9:00落去食早餐...嘆早餐...hehe~
跟住就同bon bon & 君. 一齊先去the lost chamber 水族館睇魚魚.

仲以為好大. 但原來唔係太大ga咋..好快兜左一個圈就完了.
點解入面要咁恐怖?

不過d魚真係多得好壯觀.

我想做入面個人呀~~~可以同鯊魚同游呀~~~

靚靚水母...

好快行完之後....我地就搭的去杜拜mall...因為大家都唔夠AMD 用. 所以BON 就去兌換.而我就先去business center 度寄post card!

好. 出發. 由Altanic 出發到dubai mall. 差不多AMD 50, 不算太貴. 因為車程幾長..

昨天我地既GIFT CARD仲有兩張剩低...可以SHOPPING 用.

點解商場都有咁大個魚缸???CRAZY!!!仲大過今日個水族館..
原來..呢個都係水族館黎GA~

其實一般既SHOP 都係名牌居多. 本人就唔多好名牌,所以就建議友人同行去阿拉伯市場行下...

有得買油長衫...

同事們都有收獲. 我都買左小小野..好喇.返酒店Ready 我地今晚既annual dinner~~~~我地有3個鐘去prepare...
化靚靚~著靚靚~, 我仲居然係一個鐘頭內幫左5個人痴眼eye lash~. 我真係越來越熟手了.

2012年4月1日星期日

公司20周年杜拜大旅行 - Day 2

好早起身呀. 8:00要集合. 好快食個早餐就要集合.

見到呢條車隊..我覺得真係太壯觀了! 我地hk同大陸同事先出發, 其後時間仲有孟加拉同oversea office 同事, 車隊好誇張!

今日係city tour, 上車後有位紅衫的tour guide 黎帶領, 我想講, 佢超冇禮貌.開頭都還好既.跟住超唔掂.

第一站先下車影影地標帆船酒店

黎多張再近d既先.

下一站就帶我地去舊金街市場, 先到呢一間既手信舖買手信, 但我咩都冇買, 只係參觀一下.

估唔到佢地d 小巷都幾乾淨~

黎到舊金街市場, 真係大開眼戒, 佢地d 金舖放既金好似人地飾物店咁...晒冷咁款..好誇張~

不過原來都係24k 居多. 黃金甲都有埋. 唔知有冇999 足金既黃金甲呢?

穿過d 小街, 會見到好多既手信店, 好靚呀~~好想買神燈..同人講價..冇燈神附送, 好應該要平d囉. 君君好勁, 講價講到, 最終USD 10 一個. 幾重手, 都唔輕GA~

得一個鐘頭就要人地走. 邊夠時間買野呀.遲過左集合時間.
上到旅遊巴比人噓...但原來我地都未係最遲...

上到車個紅衫女人軍訓我地. 唔可以再遲到. 要尊重人...乜乜乜乜...好煩..Sorry lor~

下一站出發去dubai museum, 嘩~完全冇講解, 齋行. 仲要係行得勁快.

我真係好想慢慢行..睇下dubai 既歷史...唉~~算吧啦...趕時間..真係仲慘過跟旅行團.

上到車. 紅衫個tour guide 每人比左一張呢個gift card我地. 入面包左USD 40 (AMD 150), 原來呢張卡係公司包左既. 我地可以係DUBAI MALL 入面食野. 又或用黎買野都得.

我地3人行. 所以有成120 美金.

去到全世界最大既Shopping mall都不禁有點興奮, 但當導遊話. 你地有一小時時間係呢度食野同買野. 我地真係眼都突埋. 1個鐘~~平時公司lunch hour 都有個半鐘啦. 玩野咩...

好快速地入左一間shop 度食sandwich, d野幾好味喎~仲飲左個朱古力奶昔. 好好味呀~~~

偷拍了一個油長.. 好鬼有型. haha~

為左唔想再遲到比人軍訓. 於是我地就好乖地食完野.準時集合. 我地既戰術就係...第2朝至行..做乜shopping 要行得咁辛苦. 係咪先?
點知. 到我地準時之際.就全部人遲到. 激死.

最終有人遲左個幾鐘.仲過份過我地~

今晚仲要係公司既1001之夜. 要我地扮鬼扮馬. 而家2:30返到酒店.要我地3:20集合!! 點趕~~
唔趕唔覺...又原來好快攪掂~

不過都係遲左小小...
好.dress code: 我的阿拉伯女郎look 已ready好了!