公司20周年杜拜大旅行 - Day 1

經過12月同1月既痛苦經歷, 1月完成手術後, 終於我都可以再次上飛機. 雖然是痛苦但就消滅左我28磅既肥肉, 今次去旅行可以輕型地飛了~~hehe

聽聞公司15周年既活動已經非常之誇張. 今年是20周年,仲誇! 居然去杜拜! 真係估都估唔到會去呢個地方! 好開心呀!
22/3 仍然要照常返工. 但可以放4:00回家作最後packing, 跟住9:30pm 要到機場集合.

嘩~好開心可以搭A380. 終於如願以償. 多謝公司!!



零晨機...好攰呀~已一早準備好私伙u 型枕..希望有覺好訓...
位置的確好闊落. 機上一半都由我地公司同事佔有.
另後其後還有一班機是CX.



8小時機程, 到達當地時間大約4:30am左右. 杜拜時間比香港慢4小時.

個機場好死大, d人做野好慢...排左差唔多一個鐘至入到境,
跟住公司就安排好旅遊巴接我地去酒店.

酒店 係 住在....棕櫚島既Atlantis hotel the Palm!!! 嘩~~超豪!!!緊張呀!!





酒店的lobby~ 由於間酒店太大...所以只有影個模型比大家睇.



公司已一早設好一個service center 係酒店入面黎service 我地...太好的安排..
好似比公司包圍左咁. BALLROOM 又比我地book晒. 好勁咁呀~



由於3:00至有得取房. 所以先做登記, 公司其實有安排100間refreshment room比我地梳洗既. 但我就冇咁既必要了.
拿拿聲去食早餐先...

呢個早餐場..我只能講"好誇張" , 佢真係拍得住人地dinner buffet, 洗唔洗咁大呀~~



只係麵包都咁誇張.....

仲有分咖哩類, 中式類,點心類,西式類,甜品類,食唔晒試唔晒~
 
本人對早餐要求都幾高..但..都會飽ga~~所以我只能食一d比較正常的早餐...好好味!!!!好好味!!!d 炒蛋滑到不得了! 個薯餅好香~




仲有呢杯回魂咖啡..好味到不得了.


食飽飽就周圍行下先...

呢個係泳池景...



天氣唔算太熱. 陰陰天. 我諗around 20幾度啦.都偏涼..

第一天我的活動係dolphin fun, 但要3:00幾至出發. 時間仲好早. 只係9:00多. 於是就去aquaventure 玩, 呢個項目都係公司包的.其實係水上樂園黎既...

先去ballroom 開番行李, 準備好行裝就出發去玩水了~慶幸有兩個傻大姐陪我去玩~


玩了這個shark slide, 好得意. 穿過這個tunnel, 好似同鯊魚同遊咁...hehe~佢兩個嗌到鬼殺咁嘈...我真係笑死~


玩左3次!!!仲有人造沙灘, 開心河, well 11:00食lunch~~又包晒場..正~




食完飯玩多一陣就準備出發去集合同海豚玩..佢叫abby~ 好滑好得意~~~
公司包左影一張相. 另一張就要買. 好貴...唔抵囉...一了都夠晒啦..都好靚呀~

玩完就可以返房喇.太好了~

我地住西翼, 要經過呢個大魚缸至上房...feeling so good~
...

間房都好正呀~ 好多同事都住2/F.5/F 而我好好彩地住到係21/F 個view 是望著波斯灣啊

可以慢慢沖番個涼...準備今晚既dinner~
今晚total 有6個場地比同事選擇食飯. 我去既叫做al muna, 都不錯ga~



個view 幾靚~~可以望到帆船酒店~

個buffet 超級heavy~~樣樣野都好膩~~好快就飽了~

餐廳內

6個選擇之中,5個餐廳既下場都係要去after party~...就係呢度喇..

我地好訓呢間disco, 所以可以行過去. 經過呢個阿拉伯商場. 好得意~

入場的飛仔~

公司包左半場. 但可惜既係...太悶.

雖然係包左野飲. 但...身體問題, 而家不可以喝酒, 我只叫了一杯lemon soda..都麻麻地好飲tim咋..

入左去一個鐘都冇..即閃...


坐旅遊巴返酒店...好喇..明天要好早集合..要極速沖涼訓覺..