上海之旅4天行程費用表

VIDEO: http://www.youtube.com/watch?v=k768fco8ZWM (每人夾500x 4 = RMB 2000)
Date: 30/9/2010
Subject	RMB
Taxi to Expo	32
Sri Lanka 館小食	239
Expo Shuttle	40
Taxi to 外灘	34
過橋米線dinner	131.5
Taxi to hotel	45
	521.5
Date: 1/10/2010
Subject	RMB
Taxi to 上海南站	80
蘇州火車票	64
Taxi to 城皇廟	48
Drink	15
鮮肉月餅	4
南翔小籠包	100
豫園	160
Taxi to 虹口區	28
茴香豆	4.5
Taxi to 新天地	19
Taxi to 聯洋廣場	35
Dinner	300
Beer	21.3
	878.8
(大家再夾多500 x 4 = 2000)
Date: 2/10/2010
Subject	RMB
Taxi to 火車站	66
和諧號車票	164
Drink	10
巴士	16
lunch	113
獅子園	120
艇	120
巴士	16
唔記得係乜野	328.5
東方明珠塔	600
Dinner(一千零一夜)	844
Taxi to Hotel	70
	2468
大家再夾100 x 4 = 400
Date: 3/10/2010
Subject	RMB
Taxi to 博物館	34
Taxi to 小揚生煎店	12
小揚生煎	10
Taxi to Hotel	35
Taxi to 磁浮列車站	16
磁浮列車票	200
lunch @ airport	326
	633
四天雜費總計(RMB)	4501 / 4 heads (rate: 0.84)
機票+酒店(HKD)	3510
全旅程每人總計(HKD)	4850	(機票酒店+雜費)

上海之旅 - Day 4 (3.10.2010)

 

 

最後一日的旅程, 今日大家都訓晏左, 食埋早餐, CHECK OUT 埋, 出發時間都差唔多10:00幾喇.

好...又再浩浩蕩蕩地出發了~

今日第一站我地先到達上海博物館...之但係..個門口排到咁樣...比你你驚唔驚...

經過尋日既排隊之日,我地唔敢再排咁長龍喇...唯有改去第2個地方...

我地改去"上海美術館", 果然人唔太多.

外場好靚. 好似古堡咁.大家都係度勁影相囉.

睇畫.其實我地都睇得幾留心ga~

美術館有好多層ga~ 我地上到第3層...行到好攰了~要坐低休息一下.

咁樣行一行,又行到1:00幾喇. 是時候食個lunch. 跟住就要返酒店拎行李去機場了.

我地仲未食到小楊生煎. 所以跟住本書又繼續找路去...

唉~原來改左路同搬左舖呀激死. 等我地死行難行. 而家搬左入商場入面.

好彩條長龍唔算太長. 排左一陣已經買岸了~一共買了兩盤.

冇地方食. 去左商場地下一個暗角位食野. (其他係一間咖啡店既外面).

好野開餐.~~~真係幾好味喎又~

食食下...隻手有點痕. 再食下食下隻眼有d 痕...嗚.......好多蚊呀~ 小女子真係非常超級野蚊. 仲要一比蚊針親就勁腫...唔洗幾分鐘之後..我隻眼就攪成咁LU~

臨走給我的紀念品.HAHA~

好喇. 是時候要回酒店拎埋行李出發去機場了~

我地再一次搭番磁浮列車去機場.(周圍都見到呢隻野....叫咩名? 我也忘記了)

站頭真係好乾淨. 而且人流好似唔太多咁.

黎既時候好慢. 返去既時候好快. 時速去到431呀!! 好勁!! 快到架車都有D 浮浮地呀. 我想影張相定D 都影唔到. 張張都震晒. 呢張影得比較好了~

入到機場.好準時咁CHECK IN, 仲有大把時間..都唔知去邊好..

最後決定早D 入禁區. 由於阿公仲有錢. 於是我地就決定食埋佢.一人叫一份. 好有米~

悶到死....HAHA~大鬧機場.HAHA~

旅程就咁完結了~~下次真係唔好十.一同五.一返國內..唔係實迫死!!

上海之旅 - Day 3 - Part 2(2.10.2010)

 

正當我地係拙政園轉身, 就見到有一個小小小碼頭. 有一D船仔可以遊覽蘇州.話明蘇州係水鄉之一. 點都要搭下船仔既...umm...應該叫艇..我地今次係"蘇州過後有艇搭"呀~位位RMB 30!

學人用下呢D 模式影下相先.hehe~ 都幾襯喎~

沿途景色...還算不錯. 船程都算幾ok. 唔係兜個轉就完. 都差唔多有20分鐘ga

不要浪費任何有機會拍合照的時間!

呢位伯伯一路撐艇一路唱歌. 仲有講解. 仲話劉嘉玲係邊度邊度住.

好可惜差不多要落艇時, 呢位伯伯不斷地要求打賞. 我唔係唔想比, 而係唔想助長呢D 歪風. RMB 30 一位喎~已經好貴ga喇. 每架船都坐滿. 唔好咁貪心啦.

船程完後. 我地再行返去拙政園既正門, 都有打算入去既. 但...真係太多人. 加上我地都要趕回頭路返上海了~. 最後都係放棄左呢個念頭. 所以...都係走吧

回程路上, 開始下毛毛雨, 我地開始越行越快. 巴士站多人到不得之了. 以我地咁有守紀律既人黎講. 根本唔夠佢地爭上車. 於是我地就打算行遠小小截的士啦. 但全部都滿載. 真是救命. 完全唔知道點樣至上到車. 雨又越落越大. 離我地上火車既時間又越來越小, 真係大獲.

過左差唔多10分鐘.都等唔到的士. 周圍走來走去.都冇一架的士.蘇州係有艇搭. 但原來係冇車搭囉.

我地又走返去巴士站. 唔理!! 一齊迫啦!!! 果然. 只要攝位!!包你上到車!

去到巴士站仲要行一段路至可以入到火車站. 好彩. 去到仲有好多時間!

我地全部飲都攰到腳斷呀! 踎係火車站入面!hahaha! 和諧號我等緊你! 好想好好訓獲勁!!

呢張飛緊要咯!! 和諧號 RMB 41 回上海! 我地今朝有屎味既恐怖火車由上海黎蘇州只係RMB 16位. 貴成兩倍有多. 平野真係冇好野!! 和諧號 I LOVE YOU!

上車了. 好開心, 哈~ 影完呢張相. 我地簡直係訓死左!! 好舒服亦不理一切地訓到返上海! (只係短短的40分鐘就返到上海了!)

40分鐘的車程 同今朝相比. 足足快左成個鐘!

返到黎..我地又要繼續行程. 訓一訓.人都精神D!返黎呢個站...同我地今日出發個上海南站.....差天同地!! 呢個站非常似樣囉!!唉~

好喇. 去蘇州都已經算瀨左野. 都未算~~黎緊仲係不斷地瀨..

我地既下一站係東方明珠塔! 我地已經將佢加長左個名叫做"東方明珠搵笨塔"

我地由上海站搭的士到東方明珠搵笨塔.先去買飛. 其實都已經好長龍喇.

分三種票價. 有三個球. 第一個大球RMB 100, 第二個RMB 135, 如果想上晒三個球,就要RMB 150. 一場來到, 仲要係上海地標黎喎!!! 緊係上到頂啦. 就買佢三個球. 

當我地由售票處一路行既時候. 好似唔太見到好多人.但係門口(Sorry冇影到相),見到條龍....長到呢...第一句大家第一句講"唔係呀嘛" 於是我就沿住人龍既龍尾方向行過去, 見到有位保安. 於是問下佢. 佢話" 150 票不用在這裡排. 進去就行"

聽到之後開心到痴線. 仲拎住張飛黎睇. 幾威. 好彩買左150姐..

但入到去....嚇親囉!下....

再向上望. 哦...呢度都分左3個區域排隊既. 我地條人龍..又的確係唔係咁長既. 但都唔叫短囉. 唔緊要慢慢排.

排到過保安呢關 (又係要check 袋過機)之後...又一條龍...help...=.="

以下呢張相並唔係一條直線既龍. 而家圍住成個東方明珠塔既塔底圍左一圈既人龍! oh god!

7:30pm...排到8:15. 用左45分鐘時間..我地至有機會見到架LIFT....門! 45分鐘. 唔算長. 係..因為未排完! 搭完呢架LIFT!都係未上到頂樓. 仲要排!!第2 ROUND!

↓ 呢張相...都係我排隊既時候影..我見到有D 眼冤...即係幾時至到頂呢請問??

排多45個鐘. 我地終於上到最頂層!!

↓我們的位置在第三個球

正當滿心期待同歡喜可以望晒上海既夜景既時候.......

下????唔係嘛???你D 窗唔好再曚D?

OK~我安慰下自己..應該係今日天氣唔好姐. 唔關D 窗事既..

但...塔頂喎~上到黎咁樣..你見到都扯火啦下嘛..仲要排左咁死耐!!

自找樂趣中...比我地搵到全宇宙最大的震旦....

RMB 150 人仔上到塔頂. 居然係睇曚到唔曚既夜景. 當我唔好彩吧啦.

咁落番一個球. 睇下第2個會唔會清D囉.

但....落番去. 同樣係要排隊的!! 今次快左小小. 只係排左20分鐘就有LIFT  搭.

落番去第2個球...真係好多人....

開始....我地4個都好一致地覺得要離開呢度.

落多一層之後. 原來仲有一個位置係...腳底都有玻璃.

拿!!!!唔係我挑剔!!!睇相都睇到啦. 的而且確係D 玻璃好曚囉!! 都見唔到下面既!!

好,閃得啦. 搵笨既!!!!好痛苦地又要排番落去. 如果比我打得爛D 窗,我想跳落去....咁樣會快D 到地!!

點解好似排來排去都走唔到咁GA~救命呀~好痛苦的經歷!(仲要又迫又熱,有冷氣..但好焗囉)

幸好既係..打尖既人不多..拿! 係不多. 並唔係冇! Matchman 仲撞到個大山婆. 比人話佢有心撞佢. 不過好快就冇事. 可能因為我係隔離. 個大山婆冇機會屈佢..)

又用多45分鐘時間落番地面. THANKS GOD! 安全著陸. 其實真係好危險. 如果上面火燭...守規則地排隊咁走都要45分鐘至走到...

餓死我地喇~~由於我地離開時間差唔多11:00喇. 仲邊有地方食飯呀~~ (我地7:30入明珠塔, 11:00至走到!!)

唯有....落bar 食飯吧啦..睇書介紹一間阿拉伯餐廳開到好夜. 就食佢!!

名為: 一千零一夜餐廳..

不過有朋友同我講原來深圳都有一間. anyway la~ 我地個刻冇地方可以食飯. 乜差都要食ga喇.

食阿拉伯野, 環境好暗. 都算係romantic la~, 個場都坐滿左一半有多ga. 仲有人跳肚皮舞tim~

我地開左支紅酒. (難飲到死)

叫晒野食之後. D野食都唔算差啊. 岩我胃口.hehe~不過我食得唔多. 因為餓過龍了!

見到隔離抬有個阿星係度食緊水煙. 我地心癢癢又想試下. 於是就叫左. 呢次係我第3次食水煙了.

我地叫左蘋果味~

用炭燒的, 同香港唔同既係..佢點解放地下既?

食水煙變成景點之一, 哈!

今日大家真係太辛苦喇. 好好食完呢一餐..聽日完成最後一天既旅程啦...CHEERS~

 

 

 

 

 

 

 

 

 

 

 

 

 

 

 

 

 

上海之旅 - Day 3 - Part 1(2.10.2010)

 

 

今日要落蘇州了, 晨早要起身搭火車.

我地9:30已經到左上海南站. 但有點混亂我地都唔知究竟邊度至係等車位置.

最後左問右問至知原來要係侯車室等.

我地好似係10:00車. 係侯車室等左一陣. 我同Kelvin 就覺得等得好悶. 兜左成個上海南站一圈. 再坐埋入侯車室. 終於...都可以入站了.

但一落到月台見到架火車. 點解咁舊式既..

因為我地買既飛係冇劃位, 所以我地要搵一個有位企既地方上車.

點解一路行一路咁大陣廁所味..係..屎味! 越行近架車..味道就越濃烈. 真係唔係講笑..

上到車...唉~唔好睇. 企近廁所位. 每次當個廁所一開門. 嘩~想反胃.

真係一d都唔好受. 睇書講一個鐘頭就可以到達蘇州. 但我地呢架車係慢車. 我地要捱一個鐘零45分鐘..車上面已經勁多人. 除左不斷有人推車仔行過賣野之外. 居然火車上仲有人食煙. =__=

幾經辛苦...終於落車. 係車上面既感覺係不斷諗住"放我出去"! 落車個刻真係令人感動..haha~講得真係誇張. 但係架車上面真係好難頂....

連落車個月台都咁舊既.返左古代呀?

出左站第一時間買回程車飛. 好擔心太多人返唔到上海.

我地首先見到呢個counter...唔知係咪呢度買飛. 佢地好叻仔地周圍睇同問人.

原來.....買靚靚高鐵車飛係呢度呀!!連個站都唔同d. !!!!

拿拿聲買家今晚車飛返上海. 跟住就要出發.

但好似大家都有點迷糊~於是買左份地圖. 研究一下...(太好..有佢地. 我唔洗傷腦根..平時靠自己搵路. 方向白痴既我真係頭都痛埋)

大家其實打算係搭的士. 但係架架的士都飛...飛....飛...好似睇唔到有客咁..

唉~我地唯有轉搭巴士..哎呀..我唔記得影下巴士站既情景. 簡直係恐怖. 鬥迫!我地真係輸晒!!

但好慶幸我地都仍然能夠上到車. 本來我打算行入d. 但..有嘔吐物..好嘔心..點解今日火車咁.巴士又咁..

最終我地纏住係車頭.死都唔肯行入d. 但全車仍然係可以爆滿.

終於我地落車. 都係睇下點行好~

打算搵左lunch 食先.

原來蘇州好多舖頭都出名東坡肉!

老老實實, 真係好好味個東玻肉!!d 肥膏一d都唔覺得肥膩. 可能我太肚餓掛, haha~但大家都異口同聲話好味.!! 想Encoure 囉~

呢一餐大家都好滿足. 食飽飽都唔太貴, 4個人加埋都只需RMB113.

繼續行程, 睇書介紹蘇州四大名園之一: 獅子林. 雖然都知道係園林假山假石冇乜特別. 但話明好出名既. 咪行下囉.

入面都幾大. 個地圖都好大...

入到去. 人頭處處. 除左人多之外. 我都唔知仲有咩好講...唉~~

呢個地方周圍都好似迷宮咁. 有D 仲要穿過D 假石至可以去到另一條路..我地入左黎唔夠15分鐘. 已經好想離開.不斷地搵個出口..搵極都搵唔到..搵到後又大堆人係前面阻住.

最終行左出黎..我同Kelvin 開心到..haha~

其實我地係笑緊" 點解我地呢個trip 去到邊度都係咁搵出口?"

 

出到出口. 見到有個蘇州博物館. 入面簡單幾件物件...無乜特別.

見到有個位可以影下合照. 於是乎set左機快拍幾張.

做乜笑得咁開心??↓

翻轉頭望下呢一張就明....↓↓

繼續行程.下一站拙政園. 本書介紹佢好勁. 係世界文化遺產之一, 仲要係國家4條A 保護區.

但個門口...咁多人...係咪真係要入去?入到去係咪又會..一入就搵出口?? =__=.

所以..都係放棄呢個景點. 反正又係個D 假山假石..

係出面影下相仲好啦...

續part 2