行完世博, 腳斷之餘仲要勁肚餓. 我地離開左世博之後. 就搭的士去外灘. 本來諗住去和平飯店飲野.
但落車位置既門口已經close左. (但最終發現原來係未關門) ,經眾人既意見.我地決定跟住本書去食野.
於是我地就行入南京東路步行街..嘩~超多人. 聽日國慶節. 今日一定全街都係人啦.
跟書行, 我地去食雲南米線. - 橋香園. 一般. 不過不失.
先黎個冷盤.
大家食完米線後唔願郁..係咁坐..haha~ 但黎到外灘. 點都要去海旁...所以我地又行過去...
影呢張合照. 攪左好耐至搵到人影. 我地大家都驚人地會搶相機.haha~所以係咁搵d 個樣信得過既人黎幫我地影.呢張...算係咁啦..
行上去睇海照, 對面似唔似維園? 老老實實. 而家香港既維港景, 比上海既稍為遜色.
呢張影得唔錯wor~又一張合照了, 其實成個海旁都係人. 係"超級多人", 搵到呢個有利位置影相係非常難!!
一路繼續沿住海旁行, 見到呢座building, 原來係酒吧黎既. 幾靚. 但由於本人睇書話有一間叫船長酒吧好正, 而且就係附近, 所以我地決定向船長酒吧出發.
其實船長酒吧係一間Youth Hostel黎既, 好似好得意. 睇下走廊,真係好似一隻遊輪入面d 房咁樣.
但可惜上到去頂樓既船長酒吧. 係零個客人! 即係冇客人. 而且個外觀都唔係咁good 咋喎. 我地4條友落到船長酒店既地下大堂...死坐爛坐.haha~好似磨爛蓆咁.其實真係好攰...攰到唔想再行.
所以決定唔去飲野. 返酒店早d 抖...
搭的返到酒店~ 嘩~我隻腳指...原來已經行到....流晒血...唉~~証明今日真係行得好落力!ha!
沒有留言:
張貼留言