由始至終都唔知香港館係邊.....老遠見到有個電視...播緊關於澳門既野. 原來大門口. 係中國館隔離既就係香港館同澳門館.即係我地入場個門口囉...=__=
但唔明...點解澳門館係..一隻兔仔燈籠; 之前上網聽人講.話拎住香港身份証係可以唔洗排隊入澳門館.(但香港館係唔可以呀, 唔知點解), 於是我地就問下澳門場館外既人. 但原來係只限澳門身份証至可以入.
Kelvin 好有型地拎出一張澳門身份証..好型地由VIP 入口...入左澳門館.
於是...我地呢班只有香港身份証既...就唯有係門口自拍..
天開始黑...有D凍..
香港館. 有香港人特色嗎? 有既. 似shopping mall. 香港人鍾意shopping嘛.ha
好似行完喇喎....SORRY! 仲有成個東南亞同埋歐洲都未去...但已經天黑..點攪...
經過一條長長既路. 穿過全世博最中心既一個地方. 就可以穿過去東南亞區同歐洲區.
最先見到柬埔寨館, 馬來西亞館. 再見到菲律賓館- 綁架之都.
再繼續努力向前行...見到澳洲館.又係排隊排到癲呀.
終於見到歐洲區既第一個館-葡萄牙館.太好! 但要休息一陣先..
攰到斷晒腳.
我地仍然都係同一作風. 冇人排隊or 條隊郁緊,就行入去.
我地入左去斯洛伐克館
館內..黑媽媽的...
三位男士比雷劈..
我地入到既館唔多. 所以冇得作比較. 但我覺得捷克館幾特別. 好多好有創意既野睇..唔錯唔錯!
終於遊下遊下遊到黎d大館...途經荷蘭館...(唉~唔做功課之過..原來荷蘭館唔洗排隊),個外觀真係超得意.
好喇. 到左我地覺得有機會入既館-英國館. 上網聽人講,又係話拎住BNO.不論你過左期未.都可以入場. 同時阿麟個哥哥上次黎個陣都係可以入到場. 所以我地覺得入去既機會好大. 點知.....唔比! 真係激死. 門口條友話因為我地係oversea, 所以唔入得! 車~~~~~
英國館...同你無緣....>.<
我地幾個真係攰到痴線...但仍然唔知點解係咁行...呢d咪就係香港人精神囉..唔好蝕呀嘛..
下一站盧森堡大公園..入面除左有個館之外. 就真係有一個公園,係位於上層.仲要行樓梯...=__=
我地搵左個地方坐低睇地圖. 離我地既出口唔三唔四.即係又唔遠又唔係近咁樣. 於是我地就決定穿過非洲既綜合館, 再搵出口.
館內有表演.
慢慢地行....行到去阿根廷館外...男士們去完洗手間. 我地就搭golf 車出番去出口. 係要收錢ga!!(上車前撞到一班應該係人巡遊既表演者.)
收錢都要搭!!攰到冇力再行!! 沿路d風吹埋黎..超凍!!好似冬天咁.咩事呀!
搭呢架golf 車行出去..我諗都行左唔只5-10分鐘..如果人行.......一定好金!
待續 - go to Day 1- part 3 (點解咁長既?)
沒有留言:
張貼留言