今日係國慶日, 一早都會預左街上既人比平時既多. 但原來唔係比較多. 係非常多. 今日全日我地做得最多既就係 - 排隊.
係酒店餐廳食完冇乜選擇既早餐buffet 後
我地今早先出發去車站買火車飛, 諗住聽日落杭州. 去到上海南站買飛.
出師不利...塞左45分鐘車!!!唉~真係激死. 但國慶日.真係要預左, 對於一個超冇耐性既我黎講,唯有忍下.
去到火車站, 多人到有d 誇張. 不過大家都肯排隊, 算有秩序, 只係見到隔離隊既最前面有人鬧下交咁. 不過好快就冇事.
係我好抆憎既期間, 排係我前面有一個好多頭皮, 揹住背囊既一個女仔.檸轉頭用廣東話同我地傾計, 問我地去邊, 我冇記錯,佢好似係"江門"人.佢其實係好心地提下我地.佢上年去杭州時唔知比人偷左張車飛.定比人呃左張飛咁啦(其實我真係冇乜心機聽佢講野), 傾左幾句. 其實我地都冇人彩佢. 但佢仲要係咁講...=___=
睇下個屏幕顯示, 嘩~座位全部都係零零零. 都擔心買唔到飛, 班男士們去另一面睇車程表. 我地已經決定左搭其中一班既杭州火車, 係十月二日出發既. 好似仲有位tim~
但點知當我地行到埋counter, 原來我地想搭個班已經冇晒位喇!! 激死. 冇杭州, "落蘇洲!!" 是但, 好過冇. 張飛好平呀. 而且去蘇州又近d。
好! 買完張蘇州既飛, 去食野lu~, 咦~原來已經2:00pm. 今朝side左太多時間.
搭的士落豫園區.
街上面既人都幾多. 呢度d 樓偏矮. 而且仲幾古式古香, 好似呢個上海老飯店咁.
就係呢個地方, 阿麟跌爛左部相機. 成部...分屍咁跌落地.當場宣佈死亡.
唔緊要. 我地仲有3個人有相機.
我地黎呢度係想食小籠包呀. 南翔小籠包. 咁出名, 一定要黎啦,
但都未搵到個招牌就已經被呢度既人嚇親!!!超級無敵勁多人!
請問 南翔小籠包既龍尾係邊度呢?答案係揹背囊個位小姐. 係呀!!呢條係人龍排隊食小籠包ga!!
不過不得不讚係, 呢度d人真係算係幾有秩序, 冇人打尖. 好難得!
排得其實唔算好耐既. 4個人有傾有講有笑咁. 時間其實過得好快.排到應該仲有20幾個人既時候, 我見到有間舖頭賣鮮肉月餅. 月餅入面放鮮肉. 即係點呀!? RMB 2 一個. 我決定買兩個, 4條友分( 如果唔好食唔洗SIDE呀嘛)
買左兩個, 熱辣辣ga~, 幾好味喎又, 不過好油. 有d 似燒餅囉其實. 唔錯.
餓咁耐, 食d野頂住肚先都好.
請留意我地身後條隊...
其實佢有分兩種既小籠包. 一隻係鮮肉小籠包 RMB 12一籠,有16隻.另一隻就緊係蟹粉小籠包啦.RMB 20一籠, 有16隻.
好野就快到.有得食!
本人由於排隊排到嬲嬲地. 所以叫得唔好蝕. 諗住鮮肉同蟹粉各叫四籠. 即係我地4條友每人兩兜小籠包在手. 但點知冇晒蟹粉. 又驚佢地班男士會唔夠食. 所以叫左五籠鮮肉小籠包.
想搵個有利位置食都難. 真係好多人. 最終企左係人地舖頭門口食.HAHA~
熱辣辣呀真係. 新鮮滾熱辣.但原來好鬼大粒. 食唔晒...好彩男士們頂得住!
比我想像中唔係話真係好好食. 但叫做不過不失咁啦. 叫做...似d樣既小籠包咁囉.
點樣都係呢度出名既野. 點都要試下既.
食到流汗...其實今日真係有D凍ga. 所以大家都著晒外套. 但食完小籠包後..大家都要mock 衫.hahah~
係南翔小籠包旁邊, 就係上海好出名既第一大名園---豫園, 入面都係亭台樓閣,花草樹木. 一場黎到入去望下.
去豫園先經過呢條橋..其實睇唔睇到...成橋都係人..其實d魚係咪真係咁好睇. 咁多人係度睇魚, 塞住條路呢?
終於都行到黎門口.
入面一樣係咁迫..想搵一個位影相真係難到不得之了. 搵到呢個位影相已經好叻.
再左行右行. 搵到一個涼亭.有塊鏡. 仲唔自拍!!haha
呢度其實係靚既. 不過如果黎呢d地方. 我相信要有一定既寧靜. 你至可以感受到個d 舒服既感覺.
但呢度多人到好似農曆新年行年宵咁款. 點樣feel到..仲邊有mood. 有機會要慢慢地行..慢慢咁欣賞
去完豫園. 黎到呢度. 就緊係要去埋城隍廟喇. 成日話黎得城隍廟冇理由唔求番支好簽呀!?
迫迫迫迫迫....迫到出去...努力~
當初我地諗住一間廟入去參觀下影下相就ok. 如果唔多人既,本人係真係諗住求支簽ga!(簡直係妄想=_=).因為我地連門口都入唔到!! 勁多人. 門口仲係要收入場費ga!!! 過份! 又係要排隊. 經大家同意. 我地決定唔入去!
連大門口都見唔到. 影到呢3個字已經好利害ga喇!!唉~真係多人得誇張.
沒有留言:
張貼留言