墾丁喪食之旅 Day 4 (28.4.2009)

 

由於之前一晚大家都飲得好開心. 所以訓到成11:00am至有知覺..

12:30就check out..

第一樣野就緊係食啦.唔洗理咁多~

睇書介紹..去左食港園牛肉麵

呢間野...好一般囉..我就覺得麻麻地...

食飽飽就下一站...由於之前一晚大家飲左酒..今日個個都好似"吽吽地"

1:00pm 搵路買手信了..估下估下咁行.......路經高雄橋...此乃..愛河

我背後既呢隻野. 原來係高雄既地標. 真係失覺晒...

行下行下

但...蕩失路了~~

最終我地都係番左酒店. 再諗過度過. 行第2度. 去左長明批發商圈...

今次真係比人老點.....嘩~~d衫娘到你阿媽都唔會買.~~

千祈唔好黎!!!

非常之失望...我地繼續hea行....行左去mos burger..是但食d野..Mira 真係好累..佢仲頭痛tim~

再行埋去7仔...食雪條.haha~

由於實在太過冇野做!!!!!我地去左腳底按摩..

原來Stella 同Mira都幾唔忍得痕...haha~睇佢地按..真係笑死.

按完真係冇得頂...對腳舒服晒呀~~~~~~~~輕晒~~

5:30pm...要返酒店拎番d 行李喇..

跟住就要去機場~~~

8:20pm...上機了~~

9:45pm....到達香港..

10:xxpm..終於都離開機場~~

　

今次行程就此完結~~有幾樣野特別mark 低左..就係我地係途中既普通話...haha~我地既普通話真係太普通..

洋蔥樹 -- 出自阿Mon, 唔記得佢點樣講出黎lu~

雞翼--出自阿mon, "基"翼.

機動遊戲- 都係出自阿Mon, " 自動遊戲"

排骨飯 -- 出自Stella. 亦係全程最好笑...佢讀左"排鬼"飯

星光大道 -- 出自我..."星光大肚"

圖案--出自阿Mon again..."肚案"

　

Mira 都有ga, 其他仲有好多...不便盡錄...hahha~~

　

墾丁喪食之旅 Day 3 (27.4.2009)

姊妹們, 10:00am 就起身...今日要離開墾丁喇~~所以去附近影下相..

我地間房對出舊石~

仲有好多奇形怪狀既民宿.好得意~

好喇11:00am..要check out喇.

大家等車中~

亦好多謝有呢個24小時no service reception.

搭番車出去高雄.

途經小杜包子. 個司機幫我地買到.好利害.好多種味道!於是我地就係車上...攪掂幾個飽...

到達高雄

1:45pm..到達高雄既國賓酒店了.

多謝Mira 既台灣朋友幫我地安排..入住Mira朋友既酒店~

同這間酒店的太子爺, 見一見完面. 我地就先出發去夢時代行街街.

頂樓既魔天輪..好大啊..

入左一個叫"夠壞堂"..行左都幾耐~~幾多衫都arm睇. 不過價錢就唔多arm喇...

但呢個商場就冇乜其他野好行lu~

於是我地就去"新堀江商店街"行街街.但都係先攪掂左個肚先...食tea~

醫飽左個肚..行街街..呢度好多野行. 但d野..隔幾間就一樣..買左好小野.

但都行到成5:xx 幾. 於是就返酒店..

約左Mira 既朋友7:00pm 去打邊爐~

四川巴蜀麻辣火鍋~~~

但佢朋友未到. 於是我地就等....等.....等...(甜睡寶寶又訓左)

佢朋友到左..我地就即刻有位了.

半邊麻辣湯底..另一面係Mon Mon,因為佢唔食辣..

下面呢牒係前菜..好油...

多謝mira 位朋友請客..

食到9:00pm, Mira位朋友安排下.Mira 位朋友既朋友就車我地去一間叫Mamamia 既酒吧飲野.

成晚雞同鴨講~~好好笑. 同Mon 子行開左一陣. 佢話佢好肚痛..點知行番上樓..痛到訓左係地下. 嚇死我~我諗佢食得太油利..所以個肚唔舒服~但佢仍然玩. 只係飲酒飲小左

飲到11:00幾..轉場~~~

廣東話VS 普通話猜.

Mira 位朋友車晒我地轉場

Mira 位朋友...好爛玩. 可能佢太耐冇見Mira. 唔比佢走.haha~玩到成2:00am 至返酒店. 至於Mira就比佢捉住左. 我地放低左Mira,自己返酒店~~

我唔係飲左好多. 但超暈..一返酒店涼都冇沖就訓左. Stella仲話我打晒鼻寒tim~~ha~ 係.飲左酒好勁抽鼻寒也!

 

 

 

 

 

 

墾丁喪食之旅 - Day 2 Part 2 (26.4.2009)

食飽飽又要出發去我地既下一站"星星沙"沙灘, 途經海角七號既景點. 阿嘉既屋企呀!! 不過實在太多人. 路過影一張相就算了!

而呢度就係海角7號第2個景點. 友子架巴士過唔到既西門喇!

到了"星星沙"沙灘. 阿領隊搵左好耐至搵到比我地睇~

搵到粒沙..係星型ga wor~

我地醉翁之意不在酒..都係玩下影相算..

領隊帶我地去出水口

但我唔覺有d咩野好睇~~似一個水霸.但入面又唔夠水咁..

去到貓鼻頭公園了! 阿mon 同mira 已經放棄左行. 唔記得行左去邊lu~而我同stella亦都只係兜左一兜,行左一個圈就走喇~因為..都係好大風..

咁樣行一行已經3:00幾喇.. 下一站潛水艇~上船前大家都好興致勃勃!

一開船..乜鬼都睇唔到, 悶到有點眼訓

d 水又唔夠清..乜差都睇唔到.

仲要上左船成9個字!!! 悶到死!大家都係架船度恰左一恰.

4:30 終於都放監出黎~~

去醫一醫肚先. 上左山~

食完又再上山..睇景..但我地都係食..茶葉蛋

5:30pm就返旅館.... 由於大家搭完呢架潛水艇..悶氣攻心...大家小睡片刻...

訓飽..又要搵食喇..6:30pm..我地出番墾丁大街搵野食,,

今次勁咯~~粟米, 燒魷魚, 熱狗腸, 羊肉串, 奶茶.......好多~

這晚...真係食得過份...但食得好開心~~

食到8:45就返旅館喇...

但我地唔知攪乜...成11:00幾至訓喎~~中間做過咩呢...唔記得左lu~~~

 

 

 

 

墾丁喪食之旅 Day 2 -Part 1 (26.4.2009)

 

 

姊妹們9:00am 就起晒身. dress up 好晒...10:00am 就出發了~原來旅館既早餐好正~~~有一個三文治, 仲包一杯野飲.ga~ (唔見左張相tim,post唔到tim)

今日我地去既目的地係國立海洋生物博物館..天氣好好多喇~只係仍然有點大風

睇下吹到個頭~~

比個連環圖大家睇....

1.) stella 先買完飛...2.) 張飛吹走左.我地追飛...    3.)跟住喪笑~

↓↓

↓↓

有驚無險...唔係就要拎多錢出黎再買喇...笑死.

10:30am 入場了~

的確呢個博物館真係好多野睇. 係幾值得去既!佢有分淡水海水魚既類別. 要好細心咁行.其實真係可以行到半日.

好大個缸呀~

好靚既水母..

本人較為鍾意呢一part..d企鵝又多又得意~~hehe~

入到黎...都不忘食...土耳其雪糕~

太多相,,,冇可能post得晒..飛去下一站啦.

我地既晏晝飯~~~全牛宴, 呢餐呢.....真係唔錯ga!!

其實食呢餐之前.我地有去到小杜包子. 諗住試下嘛. 但攞籌...#274..但只係叫到164號..放棄了.

食完呢餐就去睇下叫到幾多號..嘩~#211 咋...好彩冇等.唔係餓鬼死~

食飽飽又要出發去我地既下一站"星星沙"沙灘, 途經海角七號既景點. 阿嘉既屋企呀!! 不過實在太多人. 路過影一張相就算了!