墾丁喪食之旅 Day 1 Part 2 (25.4.2009)

 

 

下一站--> 龍潭岩

呢一站真係好好笑. 因為係岩邊. 非常之食風.....大家已經凍到痴左線..MON 直頭決定唔落車. 而我地到左..點都要行下..就係咁...吹到我地3個攪成咁..首先..Mira..十號風球行路姿態!!

而我...無辦法攪得掂個頭...

Stella 最勁,條辮....吹到打直!!

好快地我地完成左任務...即閃...返上車...吹到手都凍埋

下一站 --> 風吹沙, 好一站冇野睇...好似話係因為d沙吹晒上馬路邊. 所以叫風吹沙咁上下..

又好快地完成呢一站..影幾張即閃個d~~haha!

再下一站...佳樂水. 呢站係比較出名. 但由於時間已經太晏.再加上天雨既關係...我地只能夠係從車度入去..只能遠觀..

d 石頭都真係幾得意既..你覺得佢係似乜..咪似乜囉..

嘩~~一氣呵成咁多個景點..已經去到5:30pm喇..我地呢班人..開始肚餓..

出番去條路...路經海角七號既拍攝地點..恆春市. 呢度認得係邊度嘛?? 海角七號臨尾...友子嫲嫲屋企呀~

至於呢度就係友子嫲嫲屋企後面. 好大個花園~d 花好靚~~點解個天...要咁唔好天..如果好天就一定好靚~

哈~呢張相.點可以唔post呀!!hahaha)

大家都肚餓了. 領隊應我地要求. 帶左我地去食牛肉面..

牛肉麵

肉燥麵

雖然個牛肉麵係油d...但真係好濃味..好正~ 肉燥面我都整左兩啖..都ok!! hehe!好味!

　

我唔打番個遊記...我唔發覺...原來呢一日係去左咁多景點....打咁耐都未打完一日....-.-

以為完...點知原來仲未...仲有景點,,,

出火!!

都唔明點解個名改得咁衰...叫出火!

不過幾得意既..真係寧寧捨捨自己係個地下度有火出黎..有人仲用呢d火黎燒野食..同燴緊野食..

呢個地方真係好鬼黑...黑到完全冇街燈..仲要行樓梯..

完成晒...最後一站.....墾丁大街

食餐勁喇各位~~~

我諗全日最好既一站就係墾丁大街..嘩~冇得頂. 成條街都係食! 應有盡有!!!

試第2檔羊肉串.

多人去有一個好處. 就係樣樣野都可以分甘同味.

食左好多好多好多檔..影唔到咁多..

最後買埋布甸返酒店食...好好味..

10:00pm咋....大家已經累到痴左線...緊係啦...一日去左咁多地方..雖然係搭車姐..但都幾累..話晒我地都係剛剛到步既第一日咋.

ha~早d 訓.第2日繼續~~