JP 東京7天之旅 Day 2 (10.Jun.2013)

一早就出發去築地市場...不算是一早既..因為我地都冇諗住睇人個d咩拍賣..同埋都冇打算排隊食最出名既兩間壽司店...
但我深信....亦都有兩位朋友同我講過....東京..你是但衝入一間舖頭食野都好得.所以...hahah~
我真係咁做...

8:07到達築地...見到壽司大同大和已經排滿人....好誇張...仲要排出出面...曬住太陽咁排...

而我地選了這間排隊排得冇咁誇張的店度食. 市場すし

冷氣非常勁的食店...

送上兩杯熱茶....及味增湯一碗...

佢都用左好多錢...呢餐我請佢啦, 你要食好d..

呢個就係我既...(因為冇蝦的)

well, 我冇野好講~~~~~~~~真係好鬼死好味!! 我係香港未食過咁好食既海膽...香港個d真係收得工.

這個好味的早餐 ¥ 6500 (0.078)

完就去食第2樣 - 丸武玉子燒..

一行出去築地場外市場就已經搵到...

 ¥ 100 好大舊呀~~仲熱辣辣添....30秒內已被K.O了. 都算係幾好味既...可以一試呀

再繼續行. Patrick 就試生蠔...老實講, 我都好想食..但到而家仲未敢. 怕真係有咩事就大獲了....好可惜既呢..冇食到..

他試了 ¥ 300 的那一款...佢話海水味幾重. 但比個生蠔佢個條友落得太多汁. 好怪.

10:00離開築地, 去下一站tokyo sky tree, 我地在押上站下車. 一落車就已經有指示上tokyo sky tree...

見天氣雖然天陰.但總好過落雨, 所以都決定上去塔上望望, 點知.......要排兩個鐘至可以上去...

算吧...係樓下飲杯凍朱古力解下熱先...

網上爬文有人說. 由押上站行去吾妻橋影tokyo sky tree, 可以連倒影一齊影..好靚...

但因為我地太熱...所以早左兩個路口停低就影了...一樣都唔錯吧....hahahah~

跟住我地好勁地由呢度行去雷門, 望好近. 行就好似都幾遠.成45分鐘..可能天氣熱..行得比較辛苦.

終於黎到雷門...好多好多好多人....

入到去其實我都係想食多D. 跟住本書搵左一個MANAKA...天氣熱. ARM晒. 但麻麻地咋喎~~~搵塊餅夾雪糕有點搵笨. 雖然佢個雪糕係幾好味. 同個餅係幾脆.

去了求簽.,,,,,

我同佢兩個都求到吉簽呀!!好開心呀~~

今早好飽既壽司...都未落格..., 又去食野.其實我真係好飽. 食唔到.但佢不斷地話去..好似好正咁..
咁去試下啦...HEHE~原來真係幾好味. 好彩有去姐...
我好鍾意食呢D GA...

好味道!

1:23PM, 在碼頭等船. 準備出發去台場.
我地好好彩, 一去到一買飛就係即開船...

之前上網睇話有兩種船,一種係每日得幾班.貴小小既, 另外一隻係每個鐘頭都有.
但去到...原來唔係咁..係得一種船? Anyway,,,去到碼頭因為有點趕, 因為一去到就話有即開船, 所以沒時間去研究呢個問題了.

架船好靚呀~

船倉內.

乘客自行坐位. 有位就坐啦. 船上仲有一個小食亭ga.

到台場了.....
六月的關東....滿街也是繡球花...

我地到步就行左去Decks tokyo beach,
 一入去...就影十年都冇影過既貼紙相...真係好多年冇影..原來而家咁複雜. 但好好玩.
影完出黎...整左容咁.HAHA, 點解又瘦左又眼大左...整左容呀.hahaha

落最低的一層是戲院, 壞蛋獎門人隻banana man好大隻呀. 7月上畫了,.返香港一定睇.

再行就去了台場一丁目商店街, 好得意呀. 原來呢度係懷舊的.

間機舖全部都係Patrick 打機年代的遊戲...開心到佢....

每局game 100yen, 呢位小朋友就入左100yen,,,諗住都係玩一陣姐...嘩~點知佢打左好耐都未game over....
都幾抵喎又.hahah

玩完game. 仲見到有MJ Shop. 舖頭有好多michael jackson 既野賣呀.....

行完商台街就去左行一間叫captain santa candy 既店內, 買了餅仔比兩個姨甥女..仲買左一條外面包裝以為會好好味的雪條.
但原來....一d都唔好味...睇圖以為係脆皮....

palette town 內有一個好大既game center. 睇下這位人兄...上JR....差D 落唔到車.

走路去到Diver city tokyo. 終於見到高達1:1 的盧山真面目.

再一直走到MEGA WEB

History garage內有好多老爺車睇. 好得意.

他去了玩這個...玩得好開心..我都睇到好好笑..

行下行下都已經天黑. 我對腳已經攰到拖住黎行....

這裡夜景好美.但對腳真係已經行到....極限既地步....好似斷左咁.

搭返鐵路. 中途還在汐留下車. 看一下宮崎駿 設計的大笨鐘. 可惜的是天色已暗...天又開始下雨...最終拍了幾張暗相就走了....

 

回到酒店........全身散晒..

JP 東京7天之旅 Day 1

本人唔算係去左好多地方旅行, 但東京這個地方就一直都冇去過, 有少少out, 咁啱撞正d yen 勁跌. (p 兌換: 0.077, 我兌換:0.078)
我成日都覺得東京係需要留好多彈藥至好去, d人成日話, 去到d 野樣樣都好靚好想買....但我卻又唔係喜歡shopping既人, 究竟東京對我會唔會有d 咩吸引力去到買到忍唔到手呢....

今次我既愛人Patrick 請我去, 好感動既呢...全程照顧無微不置。我J 佢P, 加埋就係JP to JP. (HAHA~好爛! )
有一樣野好好笑...想當年我去學日文..個腦仲記得少少簡單既問路/基本對答. 同埋平假名既日文字.(識讀唔識解),  至於Patrick 就因為打日本game 打得多, 所以對日文片假名就識讀. 我地兩個拍埋一齊去日本, 一凹一凸一人明一d, 所以基本上都冇乜點遇到難題, 呢點我覺得幾利害.hahaha!

好. 出發了. 我地飛10:00, 搭JL (我第一次搭JL, 聽聞D野幾好食....)
先去機場食個早餐先. 其實次次明知飛都有野食,都唔明點解都好想係機場食下野..HAHA
今次揀左M記.

準時10:50 就起飛. 果然JAL 既飛機餐唔錯喎.仲好靚添...


到達當地3:50pm(日本時間).入境手續加拎行李各樣都攪到5:00pm.
出到機場站搵路, 要去買n'ex 來回新宿車飛同埋suica 卡. 剛剛好有車5:20pm.

去到新宿超多人既呢..我地住Wings hotel international. 位於歌舞伎町內, 位置都幾方便. 6:45 check in 埋.
間房我就一早預期左係勁細, 當然一開門都冇咩surprise, 因為真係勁細~. 除此, 間房好臭. 勁大陣煙味, 似k 房味....=.=".
諗住...可能上手食煙所以咁勁味, 未散姐. 食埋野返黎可能好d.....
一放低野即去食晚飯.

由於我plan 今次行程之中,,,比較多既都係食! 而第一餐就係我一直都好期待既shabu shabu 放題, 我地兩本既旅遊書推介呢間mo mo paradise. 抵食又好味. 上日本網站介紹都好似有3.50 粒星星ga (5粒為滿分)
間野原來勁近我地酒店...正正對面就係....近到咁...
但好可惜要等位,超多人..waiting area 仲要分walk in 同埋reserved...等左都半個鐘....

7:40pm食得... 環境好得!!

我地選左すき焼き(sukiyaki) 仲要埋飲べ放題. total : ¥5370 (0.077)

好好味既呢....D 牛同豬都係薄切. 唔錯唔錯.
...我同P 剛剛食到8分飽..大家都想留力. 於是...決定唔再食..免得食唔晒又SIDE野...
食到9:30pm就周圍行了. 要熟悉一下新宿環境先, p之前已經黎過, 所以新宿對佢冇乜難度..
居然行行下撞到公司同事......仲要係..阿姐級...世界真細小小小...

行埋去西口既思出橫丁.....

其實食飽了...都真係只係行下八掛下..如果未食飽..而又飲酒的話, 我覺得呢度好似幾正咁..

行完, 我地就去番酒店附近既7仔買野.
水/綠茶, 仲有我最愛既森永燒布旬做甜品....

返到房...仍然係有非常強勁既煙味....間房真係都幾唔掂...