今日已經係最後一日lu~~不過講真一句. 的確係幾攰, 因為成7日..人都散, 不過跟團已經好好多. 因為去都邊都唔洗諗. 上架車落車就到另一站. 唯有唔好既係..太早起身...
今朝 6:00am morning call again.
6:30am 就pack 好晒d 行李. 慢慢嘆埋個早餐.
8:30am 就開車出發我地今日最後既兩站了!
第一站先到昆明最靚既地方. 九鄉國家地質公園
唔講唔覺. 8:00幾上車. 去番昆明同一個市都要幾粒鐘. 成11:00am 至到呀陰公. 我仍然都係車上面...訓死左!
一到步第一時間去個廁所. 黎左雲南7日. 除左酒店個廁所係見得下人之外. 我諗呢度就係5星級廁所, 最乾淨, 我比5粒星!
到步後. 又再由另一位導遊帶隊. 認真一句. 咁多日我都唔知肥仔為我地介紹過什麼. 去到邊一個景點都有另一個導遊帶既....
入場後. 先要坐一部好高既電梯. 由山上直落最低既河流...跟住就坐船仔.
我原先係完全唔知有船仔呢一part 囉. 攪到我著住件羽絨再著救生衣..勁厚. 差d 郁都郁唔到...
12個人一架船仔. 有個人撐船. 大約遊左10分鐘就完了. 好舒服. 
完成船仔呢part 就開始我地咁多日最辛苦既行程. 就係行勁多路...上山落山咁樣. 其實唔係真係話好辛苦. 但因為已經係最後一日. 咩氣都用盡...我地就一直沿住呢條路入去岩洞了
呢度係一線天..剛剛好有太陽射入黎..
呢度係神話既拍攝場地.
一路行入去..真係越來越靚呀~
後面既瀑布真係靚到有d 似假....似幅畫...
↑呢度應該係我係九鄉入面覺得最靚既地方之一. 雖然我唔記得左呢d叫乜野. 但一級級一級級咁樣. 似樓梯, 但入面又有水ga..好靚~
左穿又插咁樣.我件羽絨已經污濁晒lu~~冇辦法啦..
↑唔好睇我個樣冇乜野. 其實我地剛剛行完88級樓梯上到黎呢度. 但我地都仲未除低件羽絨,可想個天氣係仍然是冷. 同埋...有太陽都唔熱得去邊咁既??
搭纜車lu~ 幾高!!!!!其實呢part 我都係唔知會有. 咁鬼危險, 我老豆仲係咁講怕我驚.. 我老豆,你個女我係14000呎跳過落黎ga! 呢d 都唔算高啦...
其實最驚係我老豆...佢全程左手捉實d 欄杆! 睇下佢個樣幾呆.....hah!
好高呀..對腳可以半天吊!
經過埋呢個大硤谷. 就完成呢個纜車遊喇~
2:00 去食飯. , 好快食完,我地就出發去少林寺了. 原來少林寺已經開左好多分店係中國各地. 只是間寺既香火頂盛, 多信徒. 就可以係個度申請為少林寺. 當然...要經國家批準啦..
食完個飯...你見我幾衣著單簿. 同今朝既衣著已經完全兩回事....
一路原路行入少林寺, 好多野睇好多野食. 呢間野好多人排. 我地又排下先.
等左成10分鐘至有.仲要係新鮮出爐. 我地d 團友都一齊黎排. 好攪笑. 一人拎住一個.
RMB 1.5 一個咋. 入面原來係黑芝麻蓉黎GA~好好味. 有D 團友拎住既係花生味. 真係唔錯唔錯.
呢舊野有名堂. 叫耙耙~
沿路行番出去. 好多特色建築物~呢舊野又唔知係咩黎. 係啦...鬼咩, 我地個導遊又叫我地自由活動. 佢就自己係門口等...都唔知咩人..咁都得~
行完少林寺. 就要去旅行團指定店舖行下. 就係絲綢館.
冇乜特別. 都係屈人買野個d地方. 所以冇乜理佢. 齋行only~.
好喇. 最後一站喇~~~~~
最後一站, 花卉市場, 之前一心諗住最後一站係七彩雲南 (買手信地方). 點知帶人黎花卉市場. 但唔好講笑. 呢度原來好多野買. 除左濕貨外. 仲有好多乾貨同手信. 仲要乜都有. 連雲南火腿都有呀!!
因為已經係最後一站. 所以比我地有咁耐行咁耐. 我咩都買齊. 返埋上車放低埋d野落黎再買過都仲得.
於是我又食喇. 見到有火爆魷魚!即買. 嘩~~即係好鬼辣!!!
而我老豆就無聊到同d 團友一齊玩刷鞋..
6:00pm 就要機場lu~
咁就完成左我地今次雲南之旅, 完成左老豆咁多年黎最想去既地方.ha~
