嘩~d早餐好Q 難食...D Pancake 明明係熱盤度拎出黎. 但食落口係凍ga!!! 最終我份早餐係食恰蛋!最安全最飽肚嘛.. 昨晚肥仔有講過, 因為車程較長, 所以盡量被免食太多水份既野., 咪講笑, 一路食野,個人一路震,係凍到震..點解天氣咁凍既?
7:30am 出發上車.
嘩~唔知點解係架車度咁鬼好訓..係咁狂訓..醒左再訓.都仲訓得番. 再訓再醒~中途停過兩次, 比我地去廁所, 一直坐到12:15pm. 食lunch~位置係昆明同大理之間既地方.
呢餐再一次不知所謂...
每牒菜既面我只見到油啦,油啦,同埋油囉, 有個炒土豆(炒薯仔片)叫做最乾身..本小姐既腸胃真係太強勁.我真係唔敢食得太油..
個茄子. 嘩~~全牒都係油.冇人掂過. 仲有個梅菜扣肉..全部都係肥肉..無肉食...食飽好快就閃出門口. 間野又迫又焗. 去一去個洗手間.下~~~~~~~d廁所無門既????好尷尬囉. 隔離就係男廁...點去呀....唔理喇.咁急..照去...門口企左個當地人..等我..望住我all...好尷尬..真係好尷尬....=.="
再上車再出發, 原途經過d 景..好靚呀~~
2:00pm, 到達大理古城. (只是途經), 因為最尾一日會再到過.所以唔打算放我地落車行了, 直接去才村碼頭, 遊洱海, 到洱崖.
碼頭有好多野食買..但天氣好熱呀突然間...
不過曬到阿媽都唔認得~真失敗, 居然冇查防曬...
老豆成日掛住拍片,唔幫我影相...激死我!
到去洱崖, 就由白族既一個姑娘做導遊.呢d就係雲南政府既policy, 為左保護族人有工作可以做, 所以每個地方既導遊工作都交番比當地既族人去做.
睇唔睇得明呢個牌呢?
白族係聚居地係大理, 而佢地稱呼為先生小姐既稱法就好唔同. 先生叫" 阿鵬哥", 小姐叫"金花". 千祈千祈唔可以叫小姐呀!! 會係不禮貌ga~
呢個就係白族既導遊喇~
後面就係天鏡閣. 但由於我同老豆都唔拜神, 所以冇上到去(如果阿媽係度一定迫我地上)
又要搭番船返碼頭, 嘩~~居然有小小暈船浪feel~~ 本小姐...係從來都冇暈船浪. 居然今次搭到有d 頭暈..
好彩既係一落船就冇事.
5:00pm到達白族人既村落.睇歌舞表演.
呢度有3杯茶. 名有三道茶, 第一杯其實係普洱.(右上角), 而第2杯係甜既酥油茶, 我就覺得怪怪囉(左上角), 第3杯. 其實係將第1同第2杯撈埋. 怪上加怪...不過係白族人既特色茶黎ga~
睇完晒表演就參觀佢地既住宅. 同一般既古宅無乜分別.
好喇~6:00pm就要食飯喇. 因為剛剛婚宴完畢, 就緊係要食番餐囍宴啦...
呢餐ok wor~ 唔錯!仲有酒飲tim~ d 酒...好勁!! 好似二鍋頭個d咁..
咁早食飯係因為我地夜晚要入麗江..又要搭好多個鐘頭車呀~~其實我覺得個安排有問題, 反正之後都有一日會入黎大理, 點解唔最尾一日先. 夜麻麻入麗江..冇咩意思.
10:30pm 至到達麗江, 車上又同樣...訓完又醒醒完又訓, 平時最愛聽住歌睇風景既我, 頂唔順..都係訓..唔該!
原來已經進入2950海拔. 肥仔話因為高原地方, 空氣稀薄, 所以訓覺係缺氧既徵兆黎. 會覺得特別攰同眼訓. 係正常.
原來如此. 怪不得係咁訓..唔只我. 我老豆都係. 都唔只. 係全車人都係咁...
到達後就由一個男既摩梭人黎做導遊(摩梭人即係女兒國既人). 佢叫小富. 好可惜我冇同佢影相.同佢相處左兩日.我覺得佢好攪笑.
先帶我地去x 河鎮夜遊..又夜遊...舖頭都關埋.都唔知有咩好睇.不過天氣明顯係凍左..要拎番件羽絨出黎著. 得番6-7度咋..
好凍啊..
11:45pm. 到達我地既酒店 - 官房別墅.
嘩~堅係別墅. 要坐golf 車入去. 每一憧別墅入面住三家人. 我地好好彩. 只係同領隊一間別墅
每間別墅入面仲有一個管家既tim~, 夜晚你肚餓叫佢煮野比你食都得ga~唔會收你TIPS ga~而我地今晚既宵夜就係兩杯熱毛牛奶.
不過間房其實同酒店格局差唔多. 但都係闊落既.仲有個露台.
左整右整. 成1:00am 至訓. 嘩~d 天氣開始超乾~我放夠兩杯水係床邊黎訓..仲要開小小窗先. 因為 d 暖氣好焗呀~~
沒有留言:
張貼留言