卓瑪去到中途放低左我地一次. 要我地落車行下. 適應一下高原感覺. 當初我以為...又唔係上西藏,洗乜咁多野要理呀..洗唔洗咁誇張..
但原來有好多野真係唔輪到你想像既一樣..,我都好聽話地...食朱古力..
途經好多毛牛~
落車地方..見到自己已經同對面既山頂..有d 平頭咁..但我地仲要繼續上...而望落去見到有一堆堆既屋, 嘩~又冇車路,住個度既人,點上黎ga!?又點落山呢??
中途經過既地方..已經同早兩日見到既完全唔同喇.睇下d 屋幾特別?
呢度d屋好得意, 每間屋屋頂都放左旗.放一支只解作普通既經文旗. 放兩支代表屋企有人做官, 放三支旗就勁咯,代表屋企入面有人係和尚或者係活佛.
所以睇間屋就知o個家人既地位
第一站我地到達獨克宗克城, 其實冇乜特別, 只係一個廟咁, 但就同平時既寺廟唔同. 因為呢間係西藏既喇嘛寺廟啊.
有一個特大既轉經輪.
其實唔係導遊講我知,我都唔知呢舊野既名堂叫轉經輪.......>.< 真係大鄉里.只知佢係西藏d喇嘛拎係手舊野囉.
好喇...開始挑戰我地既高原樓梯戰, 卓瑪講明: 一定要慢慢走, 勿亂跑!!心跳快就要抖一抖."
認真一句, 我只行左6,7 級樓梯,我已經開始氣速, 仲以為係我自己屎,, 點知原來後面跟住既班團友情況都係一樣. 個個都抖緊氣.haha~不過其實可以繼續行既. 但何必要搵呢d野去挑戰呢, 到頭來如果真係為左認叻至行多兩級有高山症咪搵自己笨.所以抖抖為妙啦...hahaha
上到黎...好靚呀~~~
行番個大運先, 轉經輪一定要順時針行, 仲唔可以轉雙數ga~一定要單數, 希望一家人平平安安, 我要做個有錢人!!!!!\
我行完輪到老豆都行下.haha
行番落去下面,原來有條小巷可以行, 我同老豆二話不說就入左呢條街, 原來有好多野買ga~
真係陰公,,著住件羽絨. 影親張張相都係同一件衫, 又著到個人帳卜卜咁..
有d 小小既轉經輪買, 其實真係好想買個番黎, 雖然唔知有咩用, 但香港一定買唔到嘛, 最後都係冇買到, 因為我又驚唔知會唔會買左唔好.你知啦.新年流流...雖然都只係祈福用, 但唔識祈嘛...慳番啦..
原來呢條小巷有好多hostel ga~, 方便d backpacker 黎住啦...勁多呀. 如果想黎玩.呢度都大把地方可以住.
仲有酒吧tim bor~
行完呢度都已經7:00pm喇.個天仲係光....
呢間就係我地今晚既酒店--實力大酒店, 今晚既晚餐係呢度食..
今餐都尚算合格.
食飽飽之後. 卓瑪就問我地參選藏族家訪, 想參觀華麗的還是係純樸一點的? 其實我想睇純樸多d囉,,但d團友話華麗. 小數服從多數.冇所謂啦.
於是我地就出發去家訪. 但點知車左我地黎一間歌舞廳, 初頭仲以為係度等埋其他隔離團d人至一齊行.但點知.原來呢度就係家訪.????????
有個舞台, 仲要係有人唱緊梁靜茹既勇氣, 五音不全地唱. 咩事呀? 唔係帶我地黎d 咁既地方呀????
卓瑪仲去拎左d 藏族人最經常食既野比我地試,
左: 似爆谷味既野 中間: 係毛牛酸奶片, 嘩~~~又酸又臭又叔叔地咁既味. 全抬人一咬落口即吐出黎.. 右: 係糖. 用黎點酸奶片食.
跟住再送上一杯藏族人既茶同烈酒黎. 杯茶係咸ga我想講. 杯酒太勁.唔敢飲..高原既烈酒係比平時中國既烈酒更勁, 因為族人係最鍾意飲酒. 同高原地方酒量亦會特別好. 因為酒可以保暖.
等左好耐. 終於有d 歌舞表演睇. 但睇左幾隻就已經想訓覺.....
其實團友們亦都開始好不滿, 何解藏家家訪會黎左歌舞廳?????? side左一晚時間!
上車就開始問卓瑪.一人一句咁. 卓瑪就話其實去純樸家訪都係睇歌舞表演.但坐位就唔同d. 以為我地想華麗既係想去呢d 地方??
唉~我唔知. 只知全晚都覺得好嘈, set d 音響又唔靚. 音樂又吵耳.
返酒店房訓! 對眼已經累到紅晒...
沒有留言:
張貼留言