及時行樂: 3月 2011

2011年3月10日星期四

新春北京團 - Day 5 (2.Feb.2011)

北京最後一天的旅程...最回味都係個早餐....執好行李...放上車...開始最後的一天的北京遊...

第一站去了奧運場地附近...話有一班正在讀中醫既大學生幫人按腳...實習穴位..
拿拿拿...好老實..我真係唔係好信...(雖然個團包, 但我自己就拒絕按腳.)
一路按就一路話你邊度有事. 佢地就話Michael有灰甲. 要敷藥. 要買中藥敷. 於是搵左另一個話係老師既中醫師黎解釋
d藥. 唔係敷係對腳度.而係敷係個肚度..
當Michael一話冇興趣. 個男人就就咁走左~~超冇禮貌!!
根本就呃人!!

勁搵笨~~一路按..一路比人騷擾...大家如果跟團去呢度..都要小心d~~

下一站..自由...放我地自己去行下街. 比我地買下手信..
係一個商場..umm..感覺冇乜野買, 價錢一般. 可以講價.

去醫下肚先~~

臨去機場前. 比機會我地去798 藝術區. 我呢d 藝術家緊係鍾意行啦...(hohoho)
但時間只得45分鐘..太少喇. 呢度又太大. 我唔可以每一個shop都入到去慢慢去睇慢慢去行. 有好多gallery.真係好想入去睇下人地既作品呀~~>.<
最後唯有只供一d 大型係路邊既得意場境..影下相. 希望有機會.我有機會自己再黎行呢度.

好. 北京旅行團完結~今次總括黎講...覺得好麻麻~~
但798 我會覆啅.希望有機會! :p

新春北京團 -Day 4 (1.Feb.2011)

跟團最不該的就是...沒時間休息..今朝又7:00 morning call. 不值得去的地方就是....買野既景點...一早來到了北京同仁堂..
其實老早就知道會說的是什麼. 要你買的是什麼.

一到就入左一間房. 由一個講非常流利廣東話既中醫師講解身體入面既金木水火土代表邊一個器官. 講得幾明白ga! 真係堅係明!

跟住就入左一大班中醫師幫人把脈...我上當了. 買了千幾蚊藥..因為本身長期服藥一d 經期問題, 比佢講中左. 仲真係幾準. 唉~~
買完就發覺...原來佢對在場女仕個個都咁講...仲比我老豆話我蠢...>.<
咁人地真係想醫好佢ga ma~~算啦.勤力D 食藥試下囉.反正都買左.

下一站就去....我居然冇左記憶...呢度邊度黎既呢...類似係一個喇叭寺既地方?
旗幟飄揚...似我去香格里拉的感覺...

雖然我唔記得呢個實際景點. 但我好記得. 呢度比我地停留好耐...天氣又凍. 又冇野睇. 真係令我地等到有點發癲!!!>.<

我地就係不斷坐係長椅上等到發呆.....

呼...這個上晝....真係唔知做過乜野...終於都有飯食..
好野..食片皮鴨呀..正!!

算是不錯啦..hehe

食飽飽去下一站都開心d~

團友介紹飲呢隻瓦樽裝既酸奶. 途經買來試証...其實我不嬲都唔接受酸奶. 但飲落....又唔錯喎~~~愛上左!!hehe

下圖是買酸奶經過的樓房...與樹幹拍埋一齊..感覺淒美~

我們正在去....天壇啊...

我們入場時間錯過了一場祭天的表演...無聊拍完照後..就又與Michael 玩另類拍照...(好難頂)

下一站可以不舛介紹....跟團必到個d....買茶葉~=.=

食個晚飯..一餐普通的晚飯...還算是不錯啦...

夜晚去睇文化宮睇少林寺表演.

這個表演..內有字幕.可以知道整個故事. 不是只有功夫表演. 它是有劇情的. 非常讚!!!! 演員落力. 除了跳舞感情.還需要功夫表演. 簡直十項全能!

但臨尾完場.我感到有點可惜..完場時. 有工作人員在台下放了一個牌. "與男主角拍照. RMB 10, 與全體演員RMB 10, 與XXX合照..RMBXXX.如此類推.

作為一個表演者. 要得到的只是掌聲及讚美. 為何將整個表演突然變成了行乞一樣? 我真的好登演員唔抵!!!
入場時已經要比入場卷費用. 拍照為何要另外收費. 仲要寫明收幾多. 每個價錢不等?真不該!
我心裡真的很讚賞你們的演出. 你地真係好得!!我好欣賞!