新春北京團 - Day 2 (30.Jan.2011)

 

 

 

 

 

這間酒店的早餐非常出色. 好好好味! 但早餐食得幾多?....我都未試過食早餐食到飽到頂住個肚.haha~

 

好~今日第一站行程, 北京天安門廣場. 未落車之前. 導遊已經講明. 希望大家可以合作. 唔好係個度講一D敏感既話題.
未行到去天安門之前, 其實已經見到呢條街比出面既街道特別多公安查一D 民工既包袱~因為新年前夕, 好多民工都一包二包搭火車回家鄉.

正在行去天安門之前. HAHA~Michael 似唔似唔開心呢? 我老豆就係度問緊佢咩事.
因為Michael 成朝都冇講過野.原來......係凍得滯. 凍到冇晒心機...呢條友真低能~

我地行住跑住都覺得勁凍. 呢d 公安企係天安門廣場罸企...食晒西北風. 真係利害. 利害到真係郁都唔郁.

好彩有小小太陽. 天安門真係好凍..

天安門毛主席張大相下面就進入故宮博物館既正門, 一入去就係午門!

導遊一直講解, 我地聽故事. 見到有d 咩唔明就去問下..第1次黎故宮既時候. 我已經同自己講.有機會我一定要自己行一次.

因為今次再黎故宮都係行唔晒.~~~>.<

天氣凍加埋呢隻顏色既lomo相. 真係一絕.!

其實入去行左真係唔係好耐. 旅行團一定係精華遊ga喇.冇辦法.

行左兩個半鐘已經要離開了~



我身後是結冰了的護城河...




去食lunch了.
今餐好好味呀~~ 有得食燒鵝~





下一站--鳥巢~









入面居然成為了踩冰場~仲要係兒童個隻...


入去兜了一個圈買了一份手信. 便過隔離的水立方~





水立方有好多層. 有一層係資料館. 玩下呢d 小遊戲.








Beijing 2008~~~




這邊我地睇緊個泳池, 另一面就做緊春節晚會既彩排. 有歌星唱歌. 但我唔知佢地係乜水..但我見到有好多記者席...



去到邊食到邊...唔知係咪凍..真係易肚餓d~ 腸仔都食住先~








已經開始天黑了. 今日提早了去食晚飯. 今晚是餃子餐.


冇野好講. 好睇唔好食! 雖然係有好多選擇. 但都係白菜豬肉水餃係接受到. 其他個d....可能係我食唔慣啦.

由於冇乜點食過野. 所以夜晚要出去搵食..
返左酒店後. 問完導遊就搭的士出發去食宵夜...問左幾次...都唔敢肯定個名. 因為叫"鬼街". 原來...
真係叫鬼街.haha!




叫了水煮豬肉. 担捶麵. 酒釀丸子. 蛋黃酥. 仲有一個甜點唔記得係乜. 呢餐...算合格啦!


係完都只係10:00~ 早點回去休息啦. 明天要登長城!!~