菲律賓宿霧之旅 Day 4 (4.10.2009)

 

 

咁就玩到最後一日lu~~~今日天氣係最好既一日...

亦都係我同Mira 咁多日以來所諗既一日..."如果最尾一日至黎好天.我地做咩好呢?" 咁緊係玩水啦.

好~9:00am幾一早起身食個早餐先...

阿Mon 終於都可以一齊食早餐...咁多日...佢終於都醒左...hahah!

食完之後.返房換泳衣..去酒店個海灘嘆番個日光浴...

不過Mon食飽飽之後..都係返房訓........last 一日..比佢休息埋佢吧啦..

10:00幾喇....我地去玩水lu~~

太靚了~~~

天氣好到不得之了~~開心死.

兩位沙灘拯救隊~~

我同Mira 就在鴛鴦嬉水~~

我好鍾意呢張相呀~~~雖然我個小叻叻都出埋黎玩..都好正呀個feel.haha

我地問Nelson 借左兩個浮潛鏡自己慢慢玩.

水底自拍..有點難度...

玩得好開心~~~飲杯野抖下先~

由於本小姐塊面太多印了. 唔敢曬呀真係..包到咁....曬唔黑喇掛...

我同Mira 係水度...比白炸炸到痴根...

最終都係靠呢樣野攪掂..

mira訓得好Lum~~

估唔到..玩下玩下..玩到2:00pm...實在太肚餓了!!

我地去左海灘不太遠既餐廳食飯...講真..咁多餐我覺得呢餐真係最正~~~

唔知係咪因為游完水..太餓呢...

我都已經包到實ga喇...

都係曬黑!!!

食飽飽就返房喇!

點知原來Mon 都話要食lunch...冇叫到佢..阿Mon 都發左個幾大既脾氣..嚇死人. 不過相隔半個鐘就無事了~因為..佢有野食喇ma.haha

我地沖好晒涼...攪掂晒d野..都已經成3:00幾...大家hea 下休息下..執埋所有野..

要出發去機場喇~

係酒店call 的士. 6:30就到機場了.是時候用埋最後d 盤串買野喇...

買左小小手信後就入閘. baby們要買雪糕~

聽聞好好食..但我屋企得兩條友住..如果我堂細佬唔食..邊個食呀??

亦都順帶一提..我到cebu 既當日漏左野係飛機上面..今日終於失而復得!!多謝國泰既服務! 雖然係等得耐d~~

入左禁區了~~撞到有兩個勁絛禮貌既韓國人...討厭!!唔排隊.打尖.無禮貌!!

我同Ning Ning 坐..

只可惜上機後...呢部電視...hang機..一直hang到返香港!!!只能用到失而復得既服務...但用唔到睇電視既服務~~算吧啦.. =.="

好喇~各位baby任務完成喇~10:30返到香港. 拎埋行李都攪到成11:00pm喇~~~

下次去第2度,再黎多獲!!!!!!

菲律賓宿霧之旅 Day 3 Part 2 (3.10.2009)

 

呢個商場叫Ayala~真係好大呀~~

 

我地先醫肚...嘩~~分左好多層..行都行死...我地見到有一層係全部快餐店~於是我地決定晚餐係.....橫掃快餐!!

先入Roasters..食雞

一個餐5條女分..但原來大家都冇影相..

再食Jollibee~~~

好好味既意粉啊.....

好好好~~再去M記~

~我本人比較喜歡去世界各地唔同既M記食野.因為真係間間都唔同ga~好多唔同既飽香港都無~

好似呢個咁包咁..係double Cheeseburger deluxe.

哎~~~~食到飽晒...姊妹們要行街街喇..

外景~~

我要做o靚模~~haha~

行下行下...等Mon Mon fitting, 我地玩自拍~~

不過呢...呢個商場好攪笑...收9:00pm~嘩~香港既話呢d仲唔係黃金時間咩~~

行到關門就閃lu~~

搭番船家安排比我地架車返酒店~~

返到去都已經10:00幾lu~~大家梳洗好後..再開始我地中秋之夜喇~~

帶埋月餅黎過節ga~~haha~Mira 仲帶埋佢既小白兔黎比我見面...小白兔搭過飛機ga.幾得意!!

兔兔有鴨鴨陪佢玩. (d 鴨鴨係我係Ayala 買)

中秋節玩燈籠~~

 

食月餅~~

好開心~~

正當食飽飽. 我地傾緊計睇緊相時......

Mon子佢就.....佢真係可以參加表演!.話訓就訓!

原來已經12:00了~~~各位baby 是時候要訓喇. 聽日最後一日係Cebu 要好好利用埋佢..

但我想講朝早粒浪暈丸...頂住個胃..頂到夜晚..下次我一定唔會再食暈浪丸..

 

 

 

 

 

 

 

 

 

 

 

 

 

 

菲律賓宿霧之旅 Day 3 - Part 1 (3.10.2009)

 

 

今日係中秋節呀~~~

好喇~ 之前一晚玩得咁攰.大家今日仍然都係好早就訓醒~因為行程緊密...

7:00就起身. 食完個早餐. 換個靚衫.出發今日既Bohol Island 之旅.(保和島)

同樣都係租番Nelson 架船. 搭左差唔多兩個鍾頭船至入到去保和島..

出發前.影番張靚相先.

兩條未來"楝"糧!!

聽姊妹們既說話...避免會好似尋日咁大浪. 驚大家會暈船浪.所以食定暈浪丸...點知食完lai野..我啖胃氣...頂住..有點唔舒服...

打橫個條.係阿Mon..又訓左..

由於我地book左架平船.所以並唔係保和島既大碼頭落船..而係一個....唔知咩地方落船.anyway la~我地對呢班船家都幾信任.(自從尋日玩水之後)

8:50am上船. 10:45am就到, 個海平靜左.無尋日拋得咁緊要...

天氣好好呀~~~有太陽喇.個人開心晒..

雖然係架船度冇拋..但係架車度..就拋到痴根...

仲要有點迫..難為了兩位高人一等既女士..

係架車度拋下拋下咁..拋左成足足一個鐘頭至到達我地既第一站 - - 朱古力山.

呢度其實冇朱古力. 只係因為佢既山型一粒粒一粒粒咁樣.似朱古力.因而命名.

要行長命斜ga~~

都咪話唔長..都幾長..不過行得都ok. 唔太辛苦. 只係比較大風...

我地個領隊幾好人..但jar機好有問題..你睇佢影呢張相..影我地把鬼咩.要影埋景ga ma~你咁樣影.是但搵撻平地影都得啦.洗乜上到朱古力山呀~

睇埋下面呢張就會明..

我同阿Mon一齊擺緊pose. 條友居然影唔到我~~~~~~~

行完呢個山就精彩咯~~去條河度食海鮮餐..聽個名好勁. 點知今舖真係上賊船喇...唔係比人打劫.而係呢餐根本就搵笨!!

本身呢條河其實都係景點之一黎既...叫Loboc River .但耐何既係我地居然同埋大陸人一架船. 拿. 有大陸人唔係問題..我地都係同胞.只係我地大家做中國人同船.我都覺得好羞家. 人地係buffet. 野食唔算係好多. 人地燒兩條魚.係suppose你每人夾小小埋位食. 嘩~佢成條拎埋位!過唔過份d呀??人地唔洗食咩...

買飛入場後.會劃分你邊個碼頭. 同上邊架船. 原來仲會劃埋位..

呢架就係我地架船喇...

船上有live band acoustic 表演

上到船基本我地只係拎過一至兩次野食後就停晒手, d野唔係硬就食唔到就係唔好食. 唔敢食咯~

的確一樣野...原途都有d 吸引到我既風景..我覺得呢個景..好舒服..

埋到某一d位置.會有一班小朋友唱歌跳舞..目的都係收tips...我地完全冇興趣地..齋坐係位..冇人郁過

d細路係樹度爬黎爬去咁玩..好勁...可能呢度d人會覺得好普通姐....但我地係石屎森林長大既.就緊係覺得佢地勁啦..

 

係架船度..困左半粒鐘至上番岸..救命..

老遠係船上都見到阿領隊係碼頭等緊我地...

好喇.下一站去睇眼鏡猴~

搭番車過去.只係短短10分鐘就到.

但原來得兩三隻你睇. 不過...佢地真係幾得意既. 好細隻ga~似小魔怪多d~~

行完睇埋手信..今日"鄧"車之旅就完左~

又要鄧番去碼頭搭船...我地又訓過..架車好熱....冇乜冷氣..

想死......-.-

我地明明2:30就上車. 嘩~番到碼頭...居然成4:00pm!!!點都好啦. 呢一班船家的確係好好人. 照顧周到既!!

睇下...黃昏了~

回程時有點拋. 可能潮退...但呢位小姐.再訓過....

返到CEBU 碼頭...差唔多6:00pm喇...真係潮退.我地要澗水而行...

順手都執到海星呀~~

上左岸後. 船家又再幫我地安排另一個架車比我地去一個大商場行街街食野.