及時行樂: 10月 2008

2008年10月29日星期三

越南中部至南部之旅 Day 8 (2.9.2008)

Day 8 - 2/9/08 (星期一) - 越南國慶

今天沒有plan 節目給自己, 所以可以睡耐一點...

雖然今日係越南既國慶日..但當地冇乜特別節目..只係好多舖頭都關左...

問過當地人, 國慶有冇煙花睇? 佢地話佢地一年只有一次睇煙花就係新年. 其他日子都冇. 因為政府好窮. 有錢都用黎起高速公路啦..(明晒)..

10:00am才起身, 看書上的介紹又去找好野食...hehe~

11:00am 去了一間叫做Quan An ngon 食早午餐..這間舖很多人. 要等位的, 但我們很lucky 一去到就有.

叫了很多野食. 有生牛河, 有炸春卷, 串燒...BBQ pork.

<-生牛河個湯底好濃好香!真係想連湯都飲埋!

好飽...好好味~~

hahahah~~~

跟住就去越南的出名之地, 聖母大教堂, 這間教堂是按照著法國巴黎聖母院至建. 所以除了顏色之外. 基本上是一樣. 但size 好像細了好多...

根本就一樣~只係細D.連頂頂兩個十字架都一樣!

跟住再過教堂的隔離,便是法國式的郵局, 這間郵局好多年歷史了. 入去可以拍照的, 郵局兩旁還有兩間買Souvenirs 的店舖..(當然一樣..沒冷氣是他們的特色)

寫下行程先...

好了....看看地圖, 是時候要去戰爭博物館了. 我們步行過去. 這間博物館前身叫做"美軍罪惡博物館", 但因近年越南和美國做回友好之邦所以改名名為戰爭博物館...

這間博物館給我感受最深..每個人入去之後都會抱住一種好沉重的心情走出這間博物館.館內每張相都有英文, 日文, 中文的翻譯.

我們入場後見到很多戰機, 是當年美軍用來攻打北越所用, 大家有所不知. 美國不是攻打全個越南. 他們聲明是幫南越攻打北越. 講真...人地國家內戰關你美國佬鬼事咩...而亦因美國佬既多事...令到這場杖是美國和越南打枚以來最長的戰事, 足足10年!!

所以北越和南越是有分別的. 南越是沒有仇恨美國人. 因當年打杖, 美國軍人於南越放下了一大筆錢.好似有好幾十億, 而北越的人則非常仇恨美國人.

再入場館看了當年美國軍人的隨團攝影師所拍的片段, 知道他們如何處理越南的奴隸, 小朋友, 婦孺. 簡直是用"沒人性"來形容!? 打杖點解要殺平民??

這幾張圖片對我的印像最深, 亦令我想流下眼淚....

↑記得這張相片嗎!? 這張相片很有名.得過很多獎, 最諷刺的是獲美國新聞界最高榮譽、普立茲獎的照片的人, 美國人給她這獎!? 這些不是美國人給他的傷害嗎!?
1972年.這名九歲女童-金菊, 因為家園被美軍空襲, 衣服都著了火燒光了, 她和其他小朋友一起痛哭狂奔! 這個小女孩. 幸運地現在還活著. 當年她皮膚有65% 比燒傷, 但只有30%可以移植.到現在還見到疤痕, 而且現已是成為人母的媽媽, 她還與自己的小孩拍了一張照片. 用她當年被火燒傷了的左手抱著自己的孩子....好感人...

看看這個越南人苦苦哀求的樣子..見者心傷..

<- 旁邊既講述是這樣的...紅色衫的這個婆婆帶著第後一班孫子,中途遇上美軍. 美軍的攝影師說了一句: hold on. 拍了這張相. 跟著他就檸轉身, 聽到數下鎗聲. 攝影師眼尾望望..眾人已經倒地..

<- 這些不是裝飾物. 而是各式各樣的炸彈及手榴彈. 還有幾個櫃都是放這些的.

去到睇小朋友那一PART...更心傷..仲有兩個變左形既嬰兒係度..(入左膠箱用D特別藥水浸住) 就係當年美軍用一種叫AGENT ORANGE (橙劑)既化學物質黎毒害佢地...禍害下一代...

再睇埋佢地有個叫TIGER CAGE 既地方..係當年用黎困住D 奴隸同埋愛國者.....唉~~

完左呢個記念館...個心好UP~懷住一種...沉重既心情離開..

個天開始落雨..我地搭TAXI 去FANNY ICE-CREAM 坐下..今次叫左Twin 雪糕...58000D...即係HKD 24蚊..兩杯喎!!!!正!

我地多次BEN THANH Market.今次唔係食飯..係去行下..佢個market好大..有d似泰國既chuk do chuk. 但當然冇係大得咁誇. 但多野行既情況係一樣......買多d 戰利品...買埋咖啡~~~越南咖啡係世界排第2出名..第一當然係巴西啦..佢同espresso 既味道拍得住..所以唔係常飲咖啡既人..未必頂得住. 落奶係要落練奶ga~~

<--你地d 咖啡我就係呢度買. 即磨成粉ga~

5:30 pm 回酒店..放低d野之後...7:xx 就搭motobike 去西貢河...

<-西貢河的...海鮮船

行完就出發去PHO 24 食飯. PHO 係乜呢!? PHO 越南文係解"湯河粉"咁解~而呢間舖頭係越南當地最多連所店既食店. 佢地既生牛河係越南最出名GA~~果然~~好味到....YUMMY YUMMY!!!!仲好味過今朝食那碗..正呀!!

<--右上角那碗是牛丸.

看看身後那班Motobike 車手..嘩~~好似要準備比賽咁..多到...嚇死人..

食飽飽之後...同ZOE慢行回家...由District 1 既尾行到去district 1 既頭..係!!我地兩個又玩慳$.hahah~

越南中部至南部之旅 Day 7 (1.9.2008)

Day 7 - 1/9/08 (Mon)

遊Mui Ne

嘩~今早要4:00am 起身. 因為join左個local tour. 但只有我同阿so 兩個人. 我地兩個搭Jeep 出發.

睇住個日出....一路一路咁上...好正...加上未有太陽.天氣好涼...

天開始光...我地去左白沙漠...White Sanddune, 咁大個女第一次黎沙漠咋...好High 呀~好興奮!!

IMG_1807B

<--其實穩約可以見到我老遠既後面有人影婚莎相

一人黎一張~

下一站再到Red Clayton

再下一站 red sanddune

真係好曬...唔係講笑..地下勁反光!!

這個小妹妹...係問人玩唔玩滑沙既. 佢d 英文..好得!佢話係因為同遊客講得多喎~佢得10歲咋.

再去fish market~其實都只係真係到一到...都唔知有咩睇..睇人點捕魚囉~呢度有幾強勁既魚腥味!

好!!!再出發下一站....Fairy Stream

由於我地jar jeep仔車個男仔唔識英文.所以好多時佢都只係去到一個地方放低我地就算....而呢3個小男孩係無差差黎帶路...

上去上得好辛苦...冇晒氣....但的確係幾靚既..

落番黎..個幾個細路問我地攞錢. 仲講價...最終冇比到..

5個鍾頭完成左Mui Ne 既short trip~ 我個身上又多左件背心印...點解勁用防曬都曬黑..我開始發覺..白淨同我真係無緣.haha~

返到Central..好想快d搵間好d既酒店..因為尋晚訓得唔係咁好. 仲要成晚比野咬. 唔係比蚊針喎~~係比d唔知乜野既咬至攪野..可能係蚤仔..唔知.總之好唔舒服~平野冇好....=.=" ~所以一定要轉酒店..

點知左搵右搵....都冇...最終去左找飲野先...又在一間靚靚酒店 - Bamboo Village 內做豪客..食左杯雪糕飲左杯野. 每人加埋用左124,000D, 十幾萬又點!? 都係50蚊港紙~~

大家睇下我地既單車look~(後面就係我地住既hostel喇)

一路飲野一路諗...其實Mui Ne個trip都完左...可以早d離開這個地方...於是.就決定立即買車票入胡志明市.

開始落雨了~~~~搵tour 巴士. 坐地起價. 原來因為今日係越南人國慶前夕. 所以好多都會出入胡志明市....公價係USD 7, 佢地開價USD8, 雖然唔係過份.但都唔抵呀嘛..最終Zoe 爭取番usd 7. 仲可以即日開車!yeah~

10:00幾番酒店執野.12:00就去番第一日到Mui Ne 介紹我地住酒店個哥哥仔間餐廳度食lunch~ 又叫到成抬都係野食.ha~ 都係94000~~只係HKD 30幾蚊...嘩~~真係..好好洗呀D錢~~~

臨走同Steve 同埋個男仔say bye. 我地是時候要等車了.

又話1:30pm黎酒店接我地..我地等到2:00pm至黎熱鬼死...

上到車..嘩~~~7天來越南以來...第一次聽到廣東話!!!!我地撞到香港人呀~~係兩夫婦黎既. 個女人黎呢面做野, 跟住佢先生就過黎join佢順便度假. 個女人好熟呢度d地方. 仲介紹我地去到胡志明要食d乜去邊度.haha!真係好!

嘩~~~又搭車搭左好耐~~~~~入胡志明市...又塞車...成8:00鐘至入到去HCMC!!!救命..真係坐到PAT 到開花~

到步後. 同對香港人say bye就立即去搵酒店...最終搵番原先第一日住既ME THEM B&B, 嘩~~~今次仲比左間大房我地.正~HA, 好多日冇涼過冷氣喇......嘩~~~~~爽晒``~~

看看本GUIDE BOOK~~搵野食!頭先個香港女人介紹Ben Thang Market(越南文讀: 賓騰market).

試下當地既大排檔...見好多人都食...應該唔死得人既!?試下無妨啦...叫左好幾個送. 當然唔小得生牛肉河啦..越南的美食真係好香口...好好味啊....哈哈哈~

呢度既地道野食, 要香口. 而香港的要夠鑊氣! 兩者有不同之處啊!

食飽飽後行行這個如等女人街的Ben Thang Market.

跟住再左行右行..居然比我地唔小心地行左去一座好光既大樓..好多人影相..相信一點係景點...即刻打開本書望望...咦~~原來係...去左中央委員會總部

於是便搭Taxi 去我地想試好耐既Fanny Ice-cream 了! lonely planet 及guidebook都有寫這間店不可錯過的!

我們一坐下便叫了4款不用的ice-cream~~

知道幾多錢嗎!?? 只是 243,000D, HKD 97.20, $100都唔洗!!!!香港唔洗指以!!!叫4杯唔過$100!??NO WAY!

但值得一提既係-呢間既雪糕真係好好好好好味!!! 朱古力味好濃!

食飽飽就回Hotel了. 但由於我地一早沖幾次涼既關係.冇晒bathing gel...要漏夜搵沖涼液. 亦因這樣行了去第5街的夜店~ 終於發現有24小時便利店!!

越南中部至南部之旅 Day 6 (31.8.2008)

Day 6 - 31/8/08 (Sun)

地點: Phan Thiet(藩切市) - Mui Ne

6:30就要起身. 又要搭車了. 今次要去Mui Ne

7:00就上車. 初頭係大叻涼涼地都唔覺d乜...d外國人上晒車..開始落山時就發現.....嘩~~~架車....又焗熱狗呀救命...

中途仲要死左火3次...落車整..我地hea.....唉~~熱到我真係想暈...

不過死火之餘望望出面既景...又好難令人發惡既...靚到咁...

1:45終於都到....MUI NE~先搵酒店...熱到..我同zoe 根本就唔想郁...汗不停地流...揹住背囊左走右走....係一間餐廳坐低左.

跟住有個男仔過來話介紹我地有特平US 8 一晚. 咁抵!? 於是就CALL MOTOBIKE過去...

等Motobike途中. 認識了一個英國的後生仔-Steve. 佢係一面旅遊一面工作的自由人. 真係羨慕死. 傾左幾句.

我地過到去那間酒店. 佢話US 8唔得. 個男仔就幫我地講價...最終US 8 一晚., 抵!!!

這個Mui Ne 地方, 其實只是沿著海邊一條很長的大直路,有點像澳洲Gold Coast 的Suffer Paradise.

THEN....lunch

我覺得這個地方.....布吉+ Koh Sumui既混合版...總之多個國家混合於一身的~ 只要再被開發多一點. 這里應該會比泰國更旺的旅遊點!

一樣有水上活動ga~ d 救生員仲幾型仔tim~..呵呵呵...

US 8 一晚的hostel...

好好享受...好好的慢行BEACH~~~行番酒店...5:45 沖番個涼..再小睡一會...流太多汗...好累...好彩房間有冷氣.

8:XX 幾...開始又租單車周圍踩....

踩到去一間好靚既酒店飲野...最靚既酒店都只係 HKD 600幾蚊一晚....POOL SIDE + BEACH SIDE,
呢度真係...平到咁..點解!??各位襯佢地未開發晒. 快D黎旅行...遲D可能會貴~

踩返Hostel...又訓..第2朝又要好早起身了.

越南中部至南部之旅 Day 5 (30.8.2008)

Day 5 - 30/8/08 (Sat)

6:00am就起身...Zoe 居然完全冇晒事...嘩~~~神奇呀!!!

看看我們酒店的外型...好靚呀~

7:00am周圍行下.向山上方向行....天氣真係好凍...早兩天就想避開太陽, 今次就搵有太陽既地方取暖..ha~

見周圍d野都咁平..決定入我身後這間4星級酒店嘆早餐....

多謝位位70000D. 即係每人HKD 28.HAHA!! 係早餐BUFFET黎tim ar!!正!

真係爽~~~HAHA~

跟住就再左行右行. 去我地既目的地 - CRAZY HOUSE..

這間CRAZY HOUSE 是一個過了俄羅斯讀書的越南女人開的. 大膽的DESIGN. 而且仲係GUESTHOUSE, 可以入去住GA

行完都只係9:30..回酒店, 開始要出發阿ROT 的Tour 了! ROT 是在FARM 長大的. 所以他很熟識這一帶的環境. 我們參加了他的TOUR. 農村一天遊...但是...是用MOTOBIKE的. ROT 車我. 另外還有一個很可愛的男仔叫阿DONG車ZOE.

先帶我們來這個LAKE...好靚呀~~~

下一站便到一個果園

蕃茄園~~

這3舊是什麼呢!? 就是越南出名的咖啡豆了~.左手面最細粒就是未熟的. 紅色是已熟.拆開紅色,中間那粒就是咖啡豆了,曬多兩曬就會成為咖啡色

這些就是咖啡豆樹了!

而這個就是咖喱粉的果實了!有顏色ga~仲好難洗得甩tim!

這個就是種木耳的地方了~~姑類...

晏晝我們來了ROT的家作客.

Rot 的家: http://www.youtube.com/watch?v=vLgIrcLM12I

仲有晏晝食. 但因為佢地係佛教徒. 初一十五食齋.所以冇肉食. 食完之後就研究佢屋外的果樹了, 基本上..全部都係可以放入口食的.

晏晝飯: http://www.youtube.com/watch?v=eiD4_MBi26E

這個就是可愛的男孩阿dong...他又再摘果給我們食..haha!

大家食飽飽之後. 就過ROT的隔離屋了..居然是第2個族的人...他們就是CHAM 族人. 亦即係以前南北越未統一的時候. 住在中部的一些部落. 但統一後, 他們都已經被唯忘..他們是極窮困. 佢地係唔識講越南話, 佢地只識講佢地自己族人既語言. 因為ROT 自小就在這村長大. 所以佢識得講這種語言.

突然覺得自己做左宣明會D 親善大使...