要去到虹口區. 都幾遠. 但呢度居然好難截的士. 截到有一部的士. 諗住上車. 點知個司機居然自己落車. 仲要架車未拉手制!! 架車流後, 但條友仲笑笑口唔知做乜鬼.拿拿聲叫Kelvin 落車. 再截過另一部穩陣.
去左另一架的士. 個司機又好似唔太知魯迅記念館係邊. 真係嘔血..魯迅有乜理由唔識.
最後車左我地去附近. 我地自己搵下啦.
終於搵到個門口. 原來係一個魯迅公園既入面.
可能今日係國慶. 所以今日入場唔洗錢. 要錢既都要排隊. 唔洗錢既緊加要排隊.
好彩佢放人入去都一次過放幾多. 所以唔洗等好耐就可以入場.
入面個館又真係幾多野睇. 我覺得都值得一黎架喎. 入面有講佢既一生.佢既真跡. 佢當年逃難. 直至病死既資料都有齊. 仲有好多當年既書信既真跡, 一d都唔馬虎. 耐何入面唔比影相. 我只偷拍左幾張.
睇完魯迅. 話明虹口..就緊係要搵下虹口道場啦!!
即係精武門既陳真去虹口道場踢館既虹口道場喇!!. 本書寫左個地址. 我地好想去睇下.
經過呢條路. 真係好有老上海既味道. 一排排既住宅. 沿住成條街. 一路排落去.
我地望住本書不斷搵個地址. 原來我地要搵既係街頭. 我地偏偏係街尾入. 即係..要成條街行晒..都幾長...
正當差唔多到目的地之際. 咦~~虹口道...點解會係住宅!? 好奇怪. 我地望下左望下右. 又真係唔似有道場係度喎~
於是問左一個交通警察. 佢話唔知..附近有個街坊. 佢都話冇聽過...咁即係...應該本書老點!!!頂!失望呀!
唔緊要啦. 反正黎到. 虹口道場再行前多幾個門牌就到咸亨酒店. 讀過會考既人應該記得咸亨酒店喇~~ - 唔記得..咁應該記得孔乙己喇掛~
孔乙己都係魯迅筆下既其中一個角色. 佢差咸亨酒店錢都仲未還.hah~仲記得讀書個陣寫.佢一入咸亨酒店會叫既野食就係茴香豆喇!係用黎送酒用既.
門口這位就係孔乙己既石像喇.
買左喇. Matchman 仲買黎做手信tim~ (影得好本人好肥. 所以cut左我自己)
望望錶原來已經六點. 對腳好攰..我地要繼續下一站, 就係有好藝術味道的 - 1933 shanghai (差d想打1881)
唔洗講緊係的士啦. 但我地比的士拒載囉. 勁hurt. 我地睇地圖話係好近. 地圖個幾cm. 可能要行幾km...唉算啦.. 截唔到的士. 都迫住要行.
我地跟住地圖黎行. 好努力行左半粒鐘到了目的地 - 1933 shanghai (老場坊)
外型望落去都幾酒店feel. 門口有架舊式火車.望落去更加舊~
書上面寫呢度以前係一個豬牛既屠宰場. 跟住又做過藥廠, 而家改裝左成為一個藝術館.
仲有一d 舖頭仔賣野. 又有飯食.
入面個布局好得意. 我唔知有d位係專登冇燈定係點. 但個氣氛真係幾好喎~好art囉.
見咁art. 點能夠唔影d 唔知做咩既相.
我地抬頭一望. 見到玻璃. 有人係上面行緊. 我地就即刻上左去睇.
好高呀. d玻璃呢仲鬼死咁清, haha~ 望落去都幾離心ga~i like.
上到天台了~
其實就冇乜野睇. 但影下相真係一流. 咁都比我地行左一粒鐘.
行番出去.天都黑齊了. 出門口就有的士搭.我地去番淮海中路.本來係諗住食飯既. 見到咩就食咩啦. 點知行下又行下. 我地就話不如行左我想行既....Barbie 旗艦店先...hehe~好心急.
唔覺唔覺...(其實行左好耐). 終於都行到喇.
全憧都係呀!!!!沿住電梯上去.
門口大大隻字Barbie~
d Barbie 多到有d 誇...不過成間舖都係咁..真係好靚呀~
真係好鬼死靚~~
我就周圍睇周圍影相..
班男仔就.............
攪緊咩呢...
變態你班友仔. barbie 裙底都唔放過!!
同個反眼Barbie 影相.
一比一Barbie 高過高佬~終於都玩夠...
死晒~~~~~
所以決定去食飯了~但行晒全條街都唔見有飯食既. 應該係話唔arm 胃口..
走左入去Sephroa 買左兩支潤唇膏. 再行經見到我公司既品牌- 6ixty 8ight. haha~入左去行左一行..大家決定...閃..返酒店附近食飯吧啦...超攰呀對腳好似斷左咁.
酒店附近個商場真係好多野食. 應有盡有. 入左一間叫做"泓叶"食飯.
叫左好幾個小菜..大家都好肚餓呀原來.ha~
有水煮魚.有雞,仲有叫到我都唔記得左. 最記得係有個生煎包.幾好味
食飽飽就返酒店~但仲未休息.
我地打算係酒店大堂度用電腦上網check下蘇州既行程. 因為聽日要落蘇州.但我地本書只係好簡短都介紹左小小. 所以係大堂等電腦...點知一等...等左差唔多成粒鐘都冇人肯讓位出黎..(得四部電腦)
Kelvin 出左去買啤酒. 我地就開埋今日買既茴香豆黎食..umm...原來...唔好食囉~
最終都等到.但好似搵唔到d乜野咁..決定早d 返上房休息. 聽日落蘇州!
沒有留言:
張貼留言