但今次出發既日期都係錯晒. 我諗真係以後都唔好再揀國慶返國內. 係好大獲ga~
30.9.2010 朝早出發到機場. 今次搭CX, 班機delay左小小.
上到機發現...無人搭既....??
去到上海機場. 同樣都係冇人!!!!!
(原來而家好方便. 拎住張回鄉卡. 唔理你有冇申請自動過關, 都可以自動咁過)
我地心諗. 車...邊個話國慶唔可以黎上海GA!? 都冇人黎既!! 但我地係錯GA!
陰公..拎行李個陣...比人撞"立"左呀!! 去左Counter 填表. 填完至再出發啦.
第一站我地要搭磁浮列車! 究竟又幾快. 好心急呀!
其實架車都真係幾浮...係咁不斷地左搖右擺~ 可惜既係..好明顯既個司機唔係車手啦. 開到301咋. 高鐵都快過佢. 回程個陣...希望可以快d!
幾鍾意呢張相.ha~ 我隻錶...9萬年冇帶!!
原來我地間酒店離機場都幾近.咁即係...離市區好遠囉. 呢間酒店附近應該都係豪宅區. 好多樓都好靚.
眾人放低行李之後,我地就要出發去世博了! 因為我地張入場卷只限今日入場. (國慶日正日及後公眾假期不能使用),所以今日一定要去.
的士出發. 黎到世博. 好興奮呀!
由於我地入世博係完全冇做過功課. 所以大家都其實唔知自己想去邊. 今次入世博既心情真係完全"志在參與"既心態進行.
好彩既係.阿麟有問到佢哥哥拎左一份世博地圖. 我地至知身處邊part.
我地既入口就見到巴基斯坦館. 嘩~原來周圍都好長人龍. 我地既決定就係. 只要唔太長. 而又郁緊既就決定入館. 我地第一個見到識郁既人龍係-斯里蘭卡館
真開心. 其實我地真係預左一個館都入唔到ga.
入到去睇左小小有關斯里蘭卡既資料, 就一行...行左去餐廳..
其實斯里蘭卡同我都有小小緣份. 細個時候, 因為姑姐請工人既關係. 認識左好幾個斯里蘭卡人. 佢地心地都好好, 好善良, 冇機心. 同佢地相處好好, 所以佢地而家已經冇再同我姑姐打工, 但都仍然keep 住有聯絡. 直至而家.
好. 請番食先. 由於我地到步後都仲未食野. 所以好肚餓. 見乜點乜. 嘩~呢餐好鬼貴呀. 痴線! 果然入左場係比人屈餐勁! (不過都幾好味喎)
一路食一路有歌舞睇.
食飽飽,我地就開始慢慢行下呢個館..
行完斯里蘭卡館. 我地繼續出去兜一兜. 天氣開始有點涼. 所以行得好舒服.
由於我地真係純粹行下, 所以行得好冇目標. 再次搵一d唔太多人排隊既館.
途經尼泊爾館. 其實都幾想入去望下. 但真係好多人.
再行前小小. 見到一個館外表冇乜特別. 但非常非常大既外觀.
原來係沙地阿拉伯館. 最吸引我睇既.並唔係佢個館. 而係外面條人龍. 長到不得之了! 聽聞入面有全球最大既3D 影院. 睇下條隊...係呢個位置排.要排3粒鐘!! BYEBYE!
見到有個牌牌寫住今日會有一場音樂SHOW. 我地4個都好開心. 即刻搵個台. 但原來...沙地阿拉伯館條龍係可以長到BLOCK 住條路.
係呢度慢慢行唔係問題. 但行錯路要行番轉頭就好有問題. 因為真係好大....
睇番個時間. 以我所記得好似只剩低15-20分鐘就會開SHOW. 我地就想搵個有利位置坐下.
但係...冇一個位置係有利...而且仲好曬TIM~所以我地決定就行去身後中東既館..
中東既館全部都好細. 仲要係冇乜人行...所以基本上我地係行晒. 見到有得吸印仔. 我地就拎左本過期既BNO出黎吸印印. HAHA~
(有好幾個館. POST 唔晒)
行到差唔多. 我地就去番舞台附近等開始.
見到呢個開始覺得唔係出奇既場面. 就係....佢地好鍾意周街同小朋友痾尿尿/屎屎.仲要係路中心!
好. 開show. 全部鼓!玩鼓既show. 加埋跳舞.算唔算係好睇? just ok!
睇完呢個show...真係要好好休息下. 因為企左好耐~~對腳開始feel到唔係自己咁..好攰呀!!
坐下先....要休息一下...
休息完. 繼續行...途經韓國館. 好長龍...基本上預左冇可能入到去.
所以影完相就走...到此一遊.
記得入場時, 好似機場過海關咁. check完入場卷後.又再查袋. 但佢地唔係check你有冇帶刀, 而係check你有冇帶火機. 場館內係唔比人帶火機. 但好得意地有吸煙區.
見到一大堆人圍埋一齊. 行埋去望望. 原來....有點火器..幾攪笑..
行到黎越南館...一定要入去望下先! 我再強調. 暫時去咁多地方旅行. 我最愛既地方係---越南!! 真係好正ga!! 唔知呢個館入面係點既呢...
咁arm 有表演睇. 係一d 好潮既越南音樂. 好鬼pop...成個館可以話係冇野睇. 但佢成個館都係用竹搭成! 好得意!
待續 - go to Day 1-part 2
沒有留言:
張貼留言