西安尋秦記 - Day 3 (26.May.2012)

由於入華山時間比較長, 所以我地一大清早就起身. 到左尋日食餃子既附近. 食白粥/豆漿做早餐就好快咁去左公車站出發我地既行程.
我地係搭左"陝西省旅遊公交專線" 游 1 號車., 真係好方便....寫明去邊.幾錢 (22人仔一位). 清清楚楚.

至於門票都係係車上面買既. 每位360呀. 價錢算ok la..包晒入場後既所有旅遊車..
7:30 準時開車...

大約10:00多就到了. 我瞓到死了..haha

去到華山有好多個入口.方便行山人士...而我地呢d咁少行山既就唔向華山挑戰喇. 聽聞華山係五嶽之中...最難行既一個山...
我地呢d 小兒科...去觀摩下姐...

去到見到個山....嘩~~~~點行呀!?? 似去爬山/攀山多d喎~~

到達入口處..拎住門票. 仲要一次車上山..正式入華山..到達華山既starting point 下車..我地決定先買小小食物. 以防行到中途肚餓同埋怕越上越高, d野食就越貴.
最終只見到有腸仔買...於是就買左兩條豬肉腸同埋水..(16人仔total)

見到有d 人由呢度開始行上山......你地加油..我會搭纜車支持你地!!

我搭纜車都唔好得好多..多人到咁...
排其實唔緊要.我地有時間. 慢慢排...熱都唔係問題..佢地都做好左一d 散氣既功夫.例如風扇加左一d水. 吹出黎會好涼快...

但最慘係..你要默默地接受佢地一個人排隊.但出面有幾廿人冇排..但排隊時不斷地加入...究竟係咪真係同一班人? 定打尖扮野?
同時亦好慘地..點解國內同胞係咁熱環境下..鍾意身貼身咁排隊? 大家唔係咁熟...可唔可以同大家有小小距離??
最後就係...可唔可以唔好大嗌? 我企得好辛苦!!!聽覺都受損了!

要明白, 係咁熱既環境下. 情緒係好爆燥d, 希望各位遊客都規規舉舉..排隊就排隊...

最終差唔多等左45分鐘至排到..見到龍頭了...

排隊既時候....見到這個山...好直

這架纜車都幾長, 搭了差不多15分鐘左右吧?
纜車上. 4個人一架..好好笑. 坐了一男一女..都上了年紀的國內人.個女人好似幾畏高,但佢一直不是說怕高.
而是到了纜車的卡位置, 車就會震同發出一d 巨響(海洋公司個d都係咁)..一到佢就好驚...跟住就會細細聲地叫同喘氣...
困住係架車度...好想笑的...haha~但忍住..因為個女人既喘氣聲真係好不雅(明啦)...hahaha!

到達這個位置是第一站...sorry~我也忘記這一站是什麼...只記得他和張家界有點似...

穿過了這裡,,,到達一間望到遠景的餐廳...
天氣太熱.我地決定坐低嘆下先...加上....都肚餓了..成12:00ga喇..
我地叫左一杯咖啡...同一個杯麵....

休息左一陣就閃了...

好.繼續行.....北峰頂..呢度..我地要搵天梯呀!!!

條路又長又窄.所以都建議人"走路不看景. 看景不走路"

我地係上天梯先..一陣回程至落天梯, 真係有點危險ga

上到黎又另一番景象....

真係幾靚既...


好. 到達了我認為比較難行既一段路(係我認為姐..因為行華山我行得幾個point之ma, 呢個算係最難了)
要行一條又長又窄既路上山..老老實實..又迫又多人..條樓梯又長又斜..都咪話唔辛苦呀

影番落去既景....見到條路嗎??

條路又直又長...呢度既人仲可以拎住重野行上樓梯...喘氣聲都唔多. 仲要加上..上面上緊既人..借唔到歪比佢ga ma..
佢要隨住遊人既步速至上...佩服佩服!

由於我同kelvin都已經汗流夾背....已經冇動力再上向上走..所以到左樓梯頂..到了蒼龍領..就決定回程.
因為已經係1:00幾....最烈日當空既時間了.....

於是我地一路行回至天梯條路..真係一把火.............

落天梯有左右兩邊....大家都排好隊..慢慢地向下行..又係一大班既國內遊客不守規舉...算.我等你地落晒先..
點知有兩個國內同胞就要等埋佢後面兩個朋友..所以我唔讓佢了..我就落先..
點知我一落..佢就上面落住落....

佢仲要拎住罐啤酒落!!!!!!!!!!!!!!!!!!!!!!!!!!!!!!!!
佢行上,我行下...我比人倒頭淋!!! 由頭濕到落腳.!!!!當時天氣仲要咁熱. 全身已經痴立立..
我真係忍唔住地.唔理咁多..用廣東話鬧爆佢...雖然佢聽唔明.但知我好嬲...
有兩個香港人就向我遞上紙巾...

但老實講....鬧黎有咩用..佢地唔會覺得d乜野..因為佢地當時仲係度笑住話不好意思....對唔住都冇一句!!!!!唉~~~
影低佢做罪証....你地又係...行山點會飲啤酒,真係吹你唔帳...

好. 要搭番纜車落山...
睇下...幾斜....

我都估到....華山邊有咁易行....原來係中國登山攀岩訓練基地!!!!!勁呀!

好熱...
上番我地架車入西安先...陰公..等左好耐車呀~~~我地架遊1等極都唔開...
佢係比客上車先..但就唔比開冷氣囉.仲要等齊至開車....好焗呀~~~~

返到西安hostel.我地決定轉房..因為kelvin話兩晚都訓得麻麻地.其實我之前一晚都係..因為d roommate都幾嘈..返房太夜...成日都深夜時份返...
我地決定轉雙人房...好好訓一晚..第2朝早離開西安..
6 mixed room 190兩位..雙人房都係260兩位..都抵啦..抵過住酒店..

好...又要搵野食..由於我地最近既地方就係回民街, 所以我地去番回民街度搵食, 一串串既孜然羊肉串,真係流晒口水...

我地今次試下呢個餅...我見好多人都拎住食..

真係大過塊面....呢塊野有名堂GA, 叫"馕", 本身食完都唔知係乜. 係放左上FB 之後. 有位上海既朋友答我既. 原來回族人會拎呢D 當飯食GA..
外面好脆似個餅. 入面個心就軟似麵包..

再接再厲, 我要試到好既蘭州牛肉麵至肯收手..
呢間應該會好味d 掛...\

果然...還不錯呢..

kelvin 就叫番羊肉泡饃..

仲要去買手信...買左9隻. 代表住我地band 房...9星連環..

食飽飽之後又周街走. 行返去hostel. 天氣好熱...見到雪糕兩眼發光. 呢隻味道, 香港好似冇...試下先:-)
味道..麻麻啦...

行到hostel 附近既士多..kelvin太熱買了啤酒. 而我就想解解熱氣. 食太多熱氣野..飲王老吉..



夜遊最後一晚的西安市...美嗎?