五嶽內 - 南嶽衡山乃是中國名山之一..
扮拜山上山
區內有哥爾夫球車同專車上山, 其他車係嚴禁進內, 但由於哥爾夫球車要爭位至可以上到車, 我地9個人根本很難爭到.
於是有其他車兜搭我地, 要我地假扮上山拜山!! 亦由於有好多公安o係附近捉呢d兜搭司機,所以呢d司機只係冒險車我地上山.司機既要求就係, 由佢幫我地買入場票.同埋............"嚴禁在車內大笑" ?? 因為係上山拜山,,所以唔可以笑..但我地又唔係去送殯..點解唔可以笑喎?
司機車左我地去一個叫百家宗祠. 我都要搵一搵姓陳先. 但呢個祠堂反而比我有一點心寒既感覺, 可能係因為冇人參觀掛?
原來唐三藏仲未做和尚之前都係姓陳的....=.=
大家快快手地搵到自己既姓氏後, 就立即到祠堂外既地方等專車上山了.
乘纜車上山了
到左索道站就落車.
比左張飛就到候車室等纜車...
侯車室既舖仔無開. 燈亦都冇開. 我們仲懷疑...其實係咪冇纜車?我地比人昆ga?
等左差不多10分鐘..終於門開喇! 嘩~原來纜車好大ga~. 要企既..如果係透明底會更正啊!!
上得越高, 霧就越大, 睇下....前面d路...係唔見左囉!!
來一張自拍大合照!!
全程大約5-10分鐘, 好快就到達我地即將要出發既路喇.
出了纜車站. 我既視野是.....同呢張↓↓相係一樣,,,,能見度....非常低! 以為自己對眼有事....=.=
要從黃帝岩方向出發. 睇到路牌喇. 好!出發喇,!~
要走斜路.又要上,又要落, 又要行樓梯.大家喘晒氣咁.終於到達第一站..南天門
ha~ 呢張↑↑相我覺得好似落緊雪咁..
由呢度出發會經過獅子岩. 再由獅子岩再上到最頂點就會係祝融峰. 見到前面既樓梯又高又斜, 有哮喘的Jojo 已頂不住, 於是D & J 決定係南天門等我地返黎.
↑↑↑ 我地既目標就係頂點祝融峰
天氣好似越來越凍. 一路走一路流鼻水...上到獅子岩...開始覺得有D溫暖喇, 行山都算係一種運動嘛.越行越暖...
到達獅子岩, 繼續向上行
嘩~~~霧...太誇張了吧
到了呢個位置. 其實已經好攰喇, 行山喎~本小姐好耐冇行ga喇....
我地就係呢度休息左一陣..而Jimmy 就影了一D好"唔知做咩" 既相片..HAHA~..
↓↓
無聊完...再次上路
路過一舊怪石.名為觀音岩... 大家都好無聊地借位影相.
是時候休息一下,好攰呀. 山上有豆腐花食呀~~一人一碗豆腐花..唔錯ga wor~Kelvin 仲換埋短袖, 而子樂件黑色衫.仲出埋煙tim, ha~, 但影相影唔到出黎..
豆腐花既老闆娘話仲有300m 就到頂點ga喇...我地繼續行..但..唔洗15分鐘就到喇!
係呢300m 途中, 子樂買左一把大扇...可以用黎借物拍照!!
續 Day2 - part 3.
沒有留言:
張貼留言