今早既集合時間係10:00am.
今日既早餐係由體貼既團長Jimmy買比我地食....佢話係燒賣. 但我食落去係糯米卷囉. Jimmy 話長沙既燒賣係咁ga wor...oh i see
今天既節目係長沙市內一天遊. 包左一架10人車.
第一站先到 - 嶽麓書院
↑↑有3個眨左眼...
呢度係一間千年書院. 好有歷史價值. 而且係位於長沙區入面學俯既附近.
入面環境都幾舒服...
黎一張大家都好"正面"既全家福.
原來大家都好有文學氣息...我地居然研究書法.haha~
參觀完呢間書院., 就上車去食午飯喇, 約好左Jimmy Daddy 一齊食Lunch. 但原來我地冇同Jimmy Daddy 來張合照啊....
呢間餐廳既環境一級捧!!! 食物算一般. 只屬合格! 呢度真係食"環境"
本想上嶽麓山, 但車唔批准上山, 只能係山腰位置停低. 要行上去. 經眾人既意見下一致決定唔上山, 留多d腳骨力比聽日既張家界好過啦.
於是我地就立即轉目的地去湖南省博物館. 聽講今日會有好多人. 多人到可能會入唔到場. 好彩排隊人數唔多. 很快就可以進場喇!
↑↑這是用來蓋棺木用的布, 代表了天堂人間與地獄.
裡面冇導遊帶領.所以有d野都唔太清楚. 但可以講呢個博物館係值得黎下既.
期待以久, 我們既主要目的黎呢度就係睇呢個"古代美女", 即係"千年乾屍". 真係算係保存得唔錯(post 左出黎就冇晒驚喜. 想睇就去湖南博物館自己睇啦)
參觀完呢座博物館後. 我地係大門口"埋位"拍左一d藝術性質好高既相片 (即係唔知影乜) !大家最合拍既都莫過於係拍照. 擺POSE 真係快到不得之了!
再走下一站, 到了城樓. 名為天心閣. 是當年火燒長沙,唯一沒有被破壞的地方..
↑↑↑Jimmy 手上既就係為我地準備好既導遊手記, 可惜比我地一人問一句既問題, 問到Jimmy 導遊都無辦法解答...哈哈哈!
我地成日都話個VIEW 好日本. 但Jimmy再次講"係日本抄我地中國ga!", 所以係呢度我要講"個view好中國"
↑↑↑正當我地要離開既時候. 原來子樂已落左樓, 幫我地影左呢一張相.
下一站我地其實係返酒店休息既. 但我地途經一個大大既人頭像. 原來係毛主席年青時既樣貌. 雖然我點樣望落去都覺得係似莫扎特. 但原來都係景點黎ga.
隔著一條河望過去.個人頭像都好大....
係呀.哈哈~又黎喇. 藝術相~hahahaha!
i love spicy!!
又癲左喇. ! 影得好正!haha~我諗我地都係醉翁之意不在酒. 唔係黎睇景. 只係黎影相...同景點係冇關的.=.=
真係一班大唔透既"老野", haha!!
續Day 3 - Part2
沒有留言:
張貼留言