湖南遊 Day 3 - Part 2 (3.4.2010)

好喇. 真係要返酒店, 眾人本想去按摩/ 按腳. 但本小姐既腳仲未可以按摩. 暫時唔敢試.有叫佢地自己去. 但最後又唔知點解冇人去按.ha

返到酒店真係休息左一陣.就再出去晚飯喇!

晚上既餐廳, 環境亦係非常好既一間餐廳. 食物味道比午餐既好. 長沙越夜越多人. 不比香港遜色!

忘記未食飯前先影幾張相tim.....準備出發去酒吧喇!

9:xxpm 到達酒吧. Jimmy 已有好多朋友到左. 酒吧名為" Freedom house" 好襯我地隊band - extreme. haha!

Kelvin 身後既就係酒吧街喇!

↑↑↑這張影得好好, 影得阿麟好有"凍"既感覺.ha!

↓↓↓D&J, Jimmy & Matchman on stage...

飲左小小酒. 本來今日黎既時候話唔飲...點知..我一飲就停唔到口. 仲越飲越多. 見到咩都拎咩黎飲....

我都黎左幾隻歌...

飲左好多好多....越飲越停唔到....好耐都冇試過咁樣了!個人開始high high 地.仲暈暈地tim...

↑↑↑我想講呢張相, 我係完全冇印象...乜我有同阿Shawn 同台咩?

究竟同阿shawn 唱左隻咩歌?合唱ga?

ha! 嚴重斷片. 我記得上一次發生斷片事件, 已是好多年前, 應是跟Joseph 同Zoe 去泰國, 我地去左Disco.又係喝左好多. 我仲好清醒地同佢地上左的士. 但的士行行下. 我突然話想嘔, 係路邊停左車比我嘔..嘔完之後, 我就咩都唔記得晒. 跟住係架車度係點. 點樣返酒店, 甚至我點樣行上酒店, 我都唔記得晒. 同今次一樣...斷片. 其實係好恐怖既事. ..

我居然兩次都係外地發生斷片事件. 我相信最主要原因係飲酒既呢班人我好信任以, 唔係我唔會咁haha~.

sorry 各位. 雖然我到而家都唔知道我o個晚攪乜鬼 (我估....我應該係訓著了..?).haha! 要大家照顧我喇! sorry!

我走左之後. 以下既呢一張相應該係散場時影既合照.