7:00am morning Call, 今日係管家整早餐比我地食...好豐富.但我想講,我唔記得影相...
食飽飽, 周圍影下相. 都已經9:00am
7:00am 幾既外景
↓8:00am幾既外景..有陽光個感覺已經唔同左
9:00am 出發, 搭車時候, 小富吩咐我地千祈唔好係車上面訓覺, 因為今日行山路. 最高頂會到達4200海拔. 如果訓左, 呼吸會慢左, 吸唔夠氧氣,就會好容易有高原反應, 所以叫我地拎定d 朱古力同埋糖出黎食下.但本人啪左成條朱古力之後,有d 飽,,又訓著左, 不過訓下醒下, 唔係熟睡既.
10:30am 到達今日第一日既景點, 長江第一灣, 顧明思義. 係長江既第一灣, 只能遠眺...
旁邊有好多小攤檔, 小富吩咐我地,如果唔係買就唔好掂,佢地好多時自己整爛左d野, 你一掂就爛,會迫你買ga~
11:00am, 我地落番低海拔一d (1900海拔), 小富將導遊工作又交比另一位族人, 就係藏族姑娘, 依斯卓瑪, 其實佢只係叫依斯, 卓瑪係藏族人稱呼姑娘既意思, 而且原來藏族人人只得名, 係無姓氏ga~但團友們為左易記佢個名.就叫左佢做easy job.
藏族人係非常之豪氣, 人地叫乾杯, 佢地叫乾飯, 連飯都要乾....-.-"
卓瑪帶我地去第一站叫做虎跳硤, 呢度係香格理拉同麗江既中間點. 傳說話有隻老虎由河跳去另一面, 因而命名.
呢度個風景真係好鬼正!!好舒服..
d 水點解可以咁清咁靜??
↑完全係一張post card, 亦都要讚一讚自己影得好好,haha!
由虎跳硤入口一直行到尾.差唔多要45分鐘, 行到尾仲要行番轉頭. 所以要自己預時間黎行...
沿途經過3次呢d 洞洞,但入面一d都唔焗, 仲好陰涼tim~
睇真d d 石, 原來係大理石黎ga~~咁咪即係成座山都係???勁!!!
完成路程, 又係我地兩父女最快行完..仲以為我地行得遲, 唔見晒d人tim~但原來我地係最快...haha~
2:15pm 去食飯了~~呢間野入去. d 碗牒全部都係肥林林, 比滾水我地洗碗, d 水係暖. 一d都唔滾, 一黎得白飯先.但d白飯凍到生晒骨.好慘. 卓瑪勁吹d人快d 上菜. 但都冇人理佢. 最終, 阿領隊一句: 我地去第2度食"
全部人即刻一窩峰衝番上車...haha~
卓瑪帶左我地去第2間食. 呢間雖然冇人. 但d 野算係似番d樣..
食飽呢餐之後...
又要上路. 我地就入香格里拉. 我非常期待既香格里拉站.
沒有留言:
張貼留言