點知突然醒起...喂,我尋日party 中左獎喎! 1000蚊玻子, 成5000幾蚊港紙ga wor!!!點解唔搭的士呀!!
同Gigi 係lobby 等的士. 一上車. 嘩~~超爽. 與Gigi 商量下. 反正都搭的士. 不如搭去我地plan 去最遠既地方先. 一路由最遠玩番返到酒店.
於是我地就第一站去東區, 咪講笑, 整番個榴槤先!新加玻咁多出產榴槤. 一定要試番個. 好彩Gigi 都係愛好榴槤之人. 最緊要佢愛榴槤比我更甚!
我地按住本書既介紹下. 食了這個貓山王. 好得意. 開完個榴槤.可以坐埋一面慢慢食.
兩條女食一個22磅..唔算過份呀~
食得晒!!利害! 雖然係有d "漏". 飽飽地. 但食到覺得好開心.
食飽飽想行下. 於是同gigi 按住之前我所寫既行程表黎行. 本想去食埋出名既槒榴槤雪糕同榴槤班kick. 好可惜我諗我地兩個不斷地行錯路. 點搵都搵唔到. 行到去巴士站. 諗住睇下d 站名會唔會有頭緒. 我地只知我地既目的地係近一個地鐵站.
點知R 爆頭都係唔明, 最後唯有問人, 問正一個嬸嬸. (普通話). 佢話比我地知搭邊一架車可以去到那個地鐵站. 佢叫我地跟佢上車.佢話我地知邊度落啦. 哈~傻下傻下. 無啦啦上左巴士.
全架巴士都係我地公司既LOGO 好攪笑.
無啦啦係一個站落左車. 唔知邊度. 比頭先個站更加無喱頭. 我覺得那個嬸嬸應該無老點我地既. 只係我地真係唔識路.因為見到D 路名都開似似地. 但真係唔明點解搵極都搵唔到. 最後決定放棄......
唯有轉去第2度. 見到有SMRT. 唉~轉搭地鐵啦..
係呢度買車票一D都唔難. 有英文有中文. 簡單易明
買票後會有這一張車票, 這張車票你可以不斷地增值(只限一天). 好似八達通咁. 如用完後. 唔需要再用.你可以退回給票務站. 佢會退番錢比你.
新加玻的確係好鬼死乾淨. D 車箱好乾淨.連D 玻璃都係立立令.
好得意地在月台上等車. 佢會有音樂. 3把女聲加和音唱出" train is coming train is coming" 幾好聽喎又..
我地既目的地係食....亞坤咖央多士. (Sorry 忘記了商場名)
出站後按著書上既指引. 搵到亞坤咖央. 本人比較鍾意食甜野. 所以呢個我覺得係好好食! 好心急..快d買..hehe 我同gigi 叫左一個原味咖央同一個花生醬咖央.老老實實花生醬咖央完全比花生醬蓋晒所有味道. 所以我覺得麻麻地. 原味好正! 個包好脆! Yummy Yummy! 好喇. 食飽就諗住去下一站. 見到forever 21. 大獲!!! 呢間forever 21. 有成3層樓高呀!! 好大件事.行左大約一粒鐘.有收獲! 見到New Look, 順便望下. 但原來new look d 野...揀唔落手. 我地去左ION Orchard shopping, 呢個shopping mall 超大. 好似好極都好唔遠. 佢既站名就係叫Orchard, 一出站口就已經係商場! 第一站與Gigi 第一時間走去一間書上介紹賣涼鞋既舖頭. 我買了一對涼鞋. gigi就買左幾隊, 跟住順住落 Forever 21, topshop, cotton on, 次次購物既贏家都係gigi 囉.我連agnes b 都去埋. 因為...唔洗錢呀嘛. 緊係狂買啦.haha~ 不過買唔落.我未癲成咁..放心. 我諗唔洗講. 去過新加玻既人都知. 呢間Bengawan solo 係賣咩.就係班蘭蛋糕. 我同gigi 一訂訂左5個.(我兩個. gigi 3個), 但我地仲要shopping wor. 點算好. 於是通知佢我地聽日會到機場.. 佢就話其實係可以送去機場間shop. 我地去到機場至再取.good! 我同gigi 基本上係已經行到腳斷. 要搵地方坐黎抖抖. 行出呢個商場..已經天黑. 發生咩事d 時間過得咁快. 原來已經8:00幾喇!搭的士搵野食. 又再一次按住本書既指示去食文東記既海南雞飯. 點知阿司機叔叔居然車我地去最遠個一間. 雖然我知係好多分店. 但.....洗唔洗車我地去最遠那間. 如果我唔係搭的士唔洗錢. 我一定剷獲金既你! side我d 錢!(講笑姐. 我邊敢) 見到門口排晒隊. 心諗.死啦.唔知要等幾耐至有得食. 肚餓喇.好彩因為我地只係兩個人. 等左唔洗五分鐘已經有位. 超快. 只可惜唔知我地係咪餓過龍...食唔晒呀..好side 野. 坐左一陣,對腳有番力. 可以繼續行. 時間無多,聽日就要走. 所以一定要去魚尾獅度影相. 新加玻地標黎ga~一場黎到, 點攰都要黎呢度影張相既! ↑↑不禁要讚下自己,哈~呢張影得幾鬼靚~~hahah~ ↑↑再黎一張用鼻噴.hahah!! 其實後面仲有一條小小魚尾獅既. 影左一張相就閃左. 睇睇本guidebook, 原來夜市老爸剎就係附近. 睇地圖. 係應該行到, 所以同Gigi 決定一於行過去. 加上夜晚既天氣比朝早舒服. 涼涼地. 慢慢行過去囉~ 一直睇住個地圖行, 其實我呢個路痴係好怕帶錯路. 因為大家都好攰. 但應該唔會錯既!! 行左大約10分鐘去到一間酒店. 為左confirm自己冇行錯. 所以就入左去問路. yes! 果然冇行錯. keep 住繼續走. 目的地快到! 行過左一條唔屬於馬路既馬路(行行下馬路突然變左車路,好彩冇乜車咋.唔係都唔知點行返出去), 再穿過地下鐵既隧道. 再上番地面, 去左一個...冇人既站口. 有兩個印度人係門口. 街上冇人. 街燈好黑. 好靜. 但唔知點解都冇乜個陣危險既感覺. 可能我覺得新加玻係安全之地! 我同gigi 研究地鐵站外既地圖. 於是就行左去另一間酒店門口.再問路. 原來已經係遠在天邊.近在眼前.好野! 老爸剎(Lau Pa Sat) 係東南亞,好多地方既夜市叫既名都係差唔多. 好似曼谷就叫Night Biazza同新加玻叫既老爸剎都係差唔多名. 份到去有蓋既夜市比較冷淡. 一眼看下去唔係有太多抬係有人坐. 不過有蓋夜市就有live band聽囉.ha~ 但我地目的地唔係呢度. 而係露天既沙爹街呀. 夜晚呢條馬路就會封左佢做沙爹街ga喇~ 嘩~幾熱鬧.同入面有蓋夜市簡直天壤之別! 呢度分左好多個檔口. 其實全部都係不相伯仲. 都係食串燒多. 成條街都好香.我地搵到個位就坐低叫野食. 先叫左豬牛沙爹串. ummm.....串燒...香口既..但麻麻地囉, 個汁唔夠濃. ↑↑呢個就係沙爹街最出名既燒魔鬼魚. 本小姐真係第一次食魔鬼魚,所以都幾期待. 但原來...."un"到呢!!好似塊扒咁. 仲要唔知係咪本身條魚比較腥. 所以佢落左好多辣黎辟味. 辣得好緊要呀大佬. 我諗唔食得辣既人會唔係咁頂得順. 好彩我同gigi 都好食辣! 但你辣都算. 你唔好咁多骨呀~呢條魚我覺得side 左! 我覺得係整那個人整得唔好. 唔關條魚事! 我同gigi 好努力咁食左條魚佢. 唔好side 呀嘛. 但最後都係食淨小小. 我覺得已經好叻囉. 因為真係好鬼辣ga~ 明明夜晚天氣涼ga ma~ 食到我地成身汗呀!哈哈哈! 食完野去買埋杯冰涼既野飲就閃人, 好. 是時候返酒店喇. 我地真係買左好多野呀. 拎到成手都係. 腳行到攰. 對手拎野都拎到好攰. 但女人買完野..返到屋企就算幾攰都好. 都會拎晒d 野出黎欣賞自己既戰利品. 我同gigi 一返到酒店.haha~ 真係好似展品咁欣賞.大家睇下大家買左d乜. 成床都係. ↑↑hahaha~~多謝公司給我的獎品!買咩都唔洗錢!好野! 估唔到我地突然又咁快手. 原來只係11:00幾. 差唔多12:00. 時間都算早. 反正未沖涼. 就同gigi 落去賭場八下咩料~ 其實hard rock hotel 都幾偏僻, 我地行番去casino 都要一段時間ga. 不過一路行都有瓦遮頭.都算舒服既. 呢個賭場就冇乜限制既, 你著短衫短褲入場都冇所謂. 但另外一個金沙賭場就要formal dressing咁入場ga喇(我地冇去金沙,唔夠時間) 入去行左一個圈. d 最低注碼都唔細ga. 同埋入面好闊落. 但感覺唔舒服囉. 可能我攰啦..我冇賭到錢. 真係行左一圈就出返黎咯. 好. 返酒店, 沖個涼. 休息下. 明天要走了...所以朝早要努力去多幾個地方.
呢隻雞...真係好鬼滑. 個油飯都唔錯.
放晒出黎睇又好似唔係好多咁
沒有留言:
張貼留言