今早9:00就起左身. 主力係想去試下新加玻出名既肉骨茶. 執好晒d野就拎埋個喼落樓下lobby check out.
當然要去最出名最出名既黃亞細啦. 未試過. 點都要試下.
早餐都冇食就出發,的士去黃亞細肉骨茶舖頭. 係大堂撞到katie 佢地成班人. 又係晨早出發. 增取時間. 佢地就包車. 我地就坐的士.
去到黃亞細. 好多人呀. 唔知要等幾耐. 點知....居然即刻有位.兩個人果然方便好多.
一坐低即叫碗出名的肉骨茶先(即排骨湯)
湯到後. 居然又見到Katie. 佢地出發過我地先. 但居然我地快到過佢地.
好. 品嚐我碗肉骨茶, 第一口飲完,我同gigi 都第一時間講" 胡椒豬肚湯?", 真係一樣味ga wor! 但本小姐好鍾意飲胡椒豬肚湯ga! 所以我覺得好好飲haha~, d 肉都唔錯喎~用黎煲湯既肉好入味, 而且唔un ga!
好快地清左. 就要出發我地下一站了.
好. 臨別時同Katie 影一張先.
下一站我想去踏入一下小印度區. 去睇下印度廟先.
但呢段路就長咯~~仲越行越熱. 又曬. 冇瓦遮頭..曬死~
好似行極都唔到咁. 最終問路下. 仲要係問印度人路. temple temple! 哈~半個鐘呀行左. 終於搵到. 其實行半個鐘真係唔係好耐. 但因為熱.所以行得辛苦d. 終於比我地搵到喇. 但到此一遊only~我地冇入去睇.
時間無多了. 要陪Gigi 去幫人買藥油. 新加玻既藥油. 出名是什麼?都係不外乎那些驅風油. 即係..我唔會用個D.
飛的去了牛車水, 這裡是China town,目的地係Gigi 手上那一張藥油既店舖. 一落車就係喇. 諗住好快地完成任務. 點知!!!!!!賣晒!!!冇得賣!!要聽日至返貨? (我地今日走喇喎).個店主好好人.佢話其實仲有兩間可以買到GA.一間就係裕華國貨, 另一間就係卡片上面畫左路線路比我地.叫我地去搵下問下.
於是就跟著呢張地圖出發, 呢一日真係好熱.我好記得, 我流左好多汗.
我地行左一陣, 就已經見到裕華國貨了. 但未開呀..激死!
唯有另一間啦.行下行下就黎左美食街.
有好多餐廳都放左好多抬係門口. 好得意. 係餐廳.但其實人地係度食緊點心.飲緊茶.你地唔熱既咩?
我同GIGI 都頂唔順喇. 真係要坐下休息下. 見到呢間好似好舒服咁. 所以入去嘆個冰凍椰青先.
個椰青係酸ga囉 =.=" 仲要唔凍ga囉. 見唔見到gigi 隻右手拎住乜野? 係杯冰黎ga~ 想飲凍呀? 自己加冰啦. =.=" 真係lai晒野.
不過又好好彩地比gigi 搵到佢要搵既藥油. 因為我地坐係呢間舖既後面.(紅色招牌叫寶之林) 比gigi 買到. 好野!
飲完野. 行左一陣. 要返酒店喇....
返到酒店. 好多同事都已經坐左係lobby 等旅遊巴黎喇. 我見仲有時間....再去秒殺!!!
係得hard rock hotel 就緊係有rock shop la~ 入去買幾件tee比細佬同阿爸.都幾貴ga~入公司數pls.
gigi 仲係度執緊個喼,haha~買到唔夠位放呀. 樣衰d 係lobby 執啦唯有. 唔好笑人.其實我都爆爆地.
好啦. 要上旅遊巴了. 要出發去機場. 我地搭2:00班機. 去到check in 時仲要去拎班蘭蛋糕. 所以gigi 就跟導遊去拎(真攪笑..一日一尾兩日至出現一次既導遊).我就負責check in.
check in 完..仲有好多時間呀. 於是我同gigi 同Eric 3個就先入閘, 搵地方去食野.
haha~ 食多次海南雞飯至走呀!!!呢間都唔錯呀.機場既水準. 算好好! 
↓↓ 因為erin 行程上都未飲到肉骨茶,所以叫左一個. 但比起黃亞細既. 呢個就冇咁好飲了. 油左小小. 但冇咁好飲唔等如唔好飲. 都ok 既.
↓叫多一碗喇沙share. 一個字 - 差!
食飽飽就過海關,差唔多時間要上機喇.
點知過海關個陣. gigi hand carry 既行李, 係X 光機響機!!!!要開袋CHECK!!! 哦!!!你帶左d咩.
低能仔有人帶左支黑頭針!!hahahah~ 所以gigi 被人的左去閘口問話. 同埋要安排上機. 我唔知點解. 但我覺得好好笑.hahah~~黑頭針!!
上到機準備好我既睇戲時間. 諗定睇咩戲. 起飛後就開始睇.
咦~~.....個headphone 咩事...時時沙沙聲. 原來唔只我係咁. 就連同我坐既gigi, erin 都係咁.
叫左個空中少爺黎問下. 佢換左另一個headphone比我地試. 唔work 喎都係
佢好好服務再拎多一個headphone黎再試. 呢隻headphone 仲要係好似我錄音個隻咁大.hahah~佢話係全機上最正既headphone. 但都係唔work.咁好明顯係有問題啦.
叫佢轉位. 比我地3個坐first class la~點知佢又話前面冇位.
跟住就有另一個空中少爺埋黎狂同我地say sorry. 真係say左好多次. say到我唔想再聽......佢拎左好多報紙同雜誌比我地睇黎消磨時間. 不過SQ 服務真係一流!!
其實都冇所謂既. 冇電視睇.咪傾下計囉.我就睇下D書. 原來機上可以買到我成日都講既"變形金剛"旅行插蘇!(因為我覺得佢可以拆來拆去好得意,所以改佢個名叫變形金剛) 之前去湖南旅行個陣唔見左呀我..想買番好耐. 我個旅行插蘇係FUJITSU ga!!!! 買唔番ga!! 不過出面買一個另一牌子既都好貴. 飛機上面買都唔算貴. 但...都唔平囉. 無謂SIDE 錢, 因為老老實實. 公司給我既獎金...我都洗得7788喇. 所以都係望下算.
睇睇下本書. 個空中少爺突然拎左3張野埋黎!!!
同我地講, 為左補償我地睇唔到個電視服務. 居然送左3張vochner比我地!! 每人S75 玻子! 比我地係機上購物!唔係嘛. 一個TRIP 中兩次獎?
黎到機上面都要shopping!!! 好野!我可以買我個變形金剛旅行插頭呀!!! 仲有錢剩.可以買多隻飛機模型黎做手信. "A380".搭唔到.買下都好嘛,HAHA~
HAHAH~~ 真係攪笑~算係唔好彩冇得睇電視. 但好彩有得免費Shopping....我覺得係lucky囉.haha~電視咋..whatever la~~~多謝SQ 航空!
買完野. 嘆番杯cocktail 先. singapore sling..=.=" umm...咁既味...>.<
3日旅程完左喇. 我好滿足~成個trip都唔洗錢. 仲有人送錢比我洗..新加玻my lucky place.haha~
順帶一提. 我地買左既班蘭蛋糕. 的確係好好味. 之但係當有時有太多既時候. 就唔會覺得係特別. 返到香港後,我食足一個星期班蘭蛋糕做早餐. 而家聞到都驚..hahah~
沒有留言:
張貼留言